PolíticaSociedá Nomáu’l Conseyu Asesor de Política Llingüística que va entamar el 22 de ochobre by redacción asturnews 20 d'ochobre, 2020 written by redacción asturnews 20 d'ochobre, 2020 2,2K El Conseyu Asesor de Política Llingüística, nuevu órganu d’asesoramientu del Gobiernu asturianu na materia,vieno acabante ser conformáu tres del nomamientu de venticinco representantes de distintos ámbitos de la sociedá asturiana pa sumase a los seis que yá fueren anunciaos a primeros del presente mes d’ochobre cuando la Conseyera, Berta Piñán, anunció la intención de poner en marcha esti Conseyu. La primer xunta para’l mentáu ente anuncióse apocayá pal xueves 22 d’ochobre. La nueva entidá va tar formada por un total máximu de 36 miembros, de los que yá fueron escoyíos 31, que nun van tener derechu a indemnización nin remuneración pola asistencia a les xuntes. El Conseyu, presidíu pola conseyera de Cultura, Berta Piñán, y col director xeneral de Política Llingüística, Antón García, como vicepresidente, va tar formáu pol presidente de l’Academia de la Llingua Asturiana, Xosé Antón González Riañu; el rector de la Universidá d’Uviéu, Santiago García Granda; el director del RIDEA, Ramón Rodríguez Álvarez; el de RTPA, Francisco Oreyes; y hasta un máximu de trenta conseyeros de llibre designación que noma directamente la conseyera. Esti día apaecía publicáu nel BOPA el nomamientu por designación llibre de los nuevos conseyeros: Xuan bellu, Xosé Candel, Pablo casanueva, María Cotiello, Iris Díaz, Taresa Lorences, Margarita García, Francisco Javier González, Laura María Ilesia, Inaciu Iglesias, Iván Llera, Penélope Miranda, Marta Mori, Fernando Padilla, José Manuel Pérez, Mari Lluz Pontón, Belén Ricu, María Xosé Rodríguez, Pilar Rubiera, Cristibal Ruitiña, Ana Leonor Santiago, Víctor Suáre, Leopoldo Tolivar, Consuelo Vega, y Xulio Viejo. Toos ellos y elles escritores, periodistes, actrices, docentes y académicos que pretenden representar a la sociedá asturiana. Esti nuevu órganu va poder funcionar en plenu o constituyendo comisiones o grupos de trabayu. El plenu del Conseyu va axuntase a lo menos, una vegada cada seis meses y va poder emitir informes y propuestes non venceyantes. 0 FacebookTwitterPinterestEmail Anterior David Lynch recibe na so casa’l Gran Premiu Honoríficu de Sitges 2020 siguiente Vía llibre a la catedral civil’ de Sevilla Tamién te podria gustar Iniciativa pol Asturianu y Barbón desixen a Adif... Iniciativa reclama un mandatu marcu na RTPA Payares acueye les XLI Xornaes Internacionales d’Estudiu de... L’Atles llingüísticu del Navia-Eo ponse n’accesu llibre La normalización llingüística afitase dafechu nel Parlamentu Aína entama’l cursu políticu con un actu n’Uviéu La Delegación asturiana en Lorient protagoniza la xornada... La UABRA aporta a la segunda selmana d’actividaes 4200 firmes sofiten la música n’asturianu en XIxón Blanca Fernández foi la pregonera de la XXVII...