Nils Torvalds va visitar Asturies pa conocer in situ la realidá de la llingua

17 ochobre 12:36 2018 Imprimir

L’Academia de la Llingua convidó esti día en Bruselas a Nils Torvalds a visitar Asturies pa conocer in situ la realidá del asturianu y el presidente del intergrupu de Minoríes comprometiose a venir, depués d’aconceyase coles eurodiputaes asturianes y el presidente de l’ALLA, González Riaño.

Asturies llevó ayeri martes la Llingua al Parlamentu Européu con un informe sobro la situación del asturianu de l’Academia, que presentaba la eurodiputada asturiana Angela Vallina, xuntu al coordinador xeneral d’IX Asturies, Ramón Argüelles, el presidente de l’Academia de la Llingua Asturiana, Xosé Antón Gonzalez Riañu y la responsable de Relaciones Internacionales de la institución, Cristina Valdés Rodríguez. Toos ellos y elles axuntáronse esta mañana del martes col presidente del inter grupu de Minoríes Tradicionales, Comunidaes Nacionales y Llingües Minoritaries, Nils Torvalds, a quien presentaron un informe, ellaboráu ad hoc, sobro la Llingua Asturiana.

Xosé Antón Gonzalez Riañu convidó a Nils Torvalds a visitar Asturies pa conocer, in sitiu, la realidá de, en palabres el máximu responsable de l’academia, d’una llingua milenaria”. El presidente del intergrupu de Llingües Minoritaries recoyó’l guante y comprometióse a buscar una fecha nel futuru.

Esta ye la primera de les trés xuntes entamaes por Angela Vallina en Bruxeles, nun viaxe plantegáu coles mires de dar visibilidá al asturianu n’ámbitos europeos y que se suma a les distintes iniciatives que se tán desenvolviendo pa llograr la máxima reconocencia a la llingua, tantu n’Asturies, a nivel xurídicu y estatutariu, como fuera: “ creemos que ye imprescindible dar a conocer la realidá Asturies y de la so llingua. Nel parlamentu esiste un grupu específicu de llingües minoritaries y ye necesariu que la nuesa llingua, la llingua, esti presente pa poder aprovechar tolos recursos de la unión pa la so promoción desenvuelvo“.

El coordinador xeneral d’IX, pela so parte, enfatizó que ye necesario impulsar tolos cambeos lexislativos necesarios pa llograr la máxima reconocencia del asturianu, hasta llograr la so oficialidá, dientro del estatutu de la comunidá autónoma. Eso sí, Argüelles amestó cualquier acción a les pautes que puedan marcase dende l’Academia de la Llingua como la máxima institución na defensa del asturianu.

Cristina Valdés esplicó a Torvalds que l’asturianu ta estendíu en cuanto al usu nel ámbitu de la educación, de la cultura, inclusive de les nueves tecnoloxíes. Sicasí inda ye necesario impulsar el sofitu institucional, llegal, que -y dea esi calter oficial.

Loading Facebook Comments ...