Portada Música Nieguen per novena vegada la llibertá condicional al asesín de John Lennon

Nieguen per novena vegada la llibertá condicional al asesín de John Lennon

by redacción asturnews
Foto: Drew (https://www.flickr.com/photos/skinnyartist/)

Mark David Chapman, l’home qu’asesinó a John Lennon na ciudá de Nueva York hai casi 36 años, va siguir recluyíu nuna prisión de máxima seguridá nel condáu de Erie, cerca de Buffalo, dempués de qu’el so pidimientu de llibertá condicional fuera refugada per novena vegada dende l’añu 2000, según anunciaron esti llunes funcionarios.

Chapman, de 61 años, nun llogró convencer, una vegada más, a la xunta estatal que podría da-y la llibertá condicional, polo que va siguir cola so reclusión. Siguidor encegoláu con Lennon y The Beatles, Chapman foi declaráu culpable por disparar contra’l músicu cuando llegaba cola so esposa, Yoko Ono, al edificiu d’apartamentos onde moraba n’avientu de 1980.

Chapman foi condergáu a una pena de 20 años a cadena perpetua dempués de declarase culpable d’asesinatu en segundu grau. La so solicitú de llibertá condicional producióse cada dos años dende 2000. “Magar que esisten dellos factores favorables, atopamos que tou eso compénsase col fin antemanáu y de busca de fama del crime”, indicó nun comunicáu la Xunta de Llibertá Condicional de Nueva York al refugar el pidimientu de Chapman. “A partir de la nuesa entrevista y de la revisión de los sos rexistros, atopamos con que la so llibertá sería incompatible col bienestar de la sociedá y polo tanto despreciaría la seriedá del crime”, aseguró’l panel.

Tamién te podria gustar