Cine Neve Campbell embaraxa tornar a la saga de ‘Scream’ by redacción asturnews 12 de mayu, 2020 written by redacción asturnews 12 de mayu, 2020 56 L’actriz canadiense Neve Campbell, que se convirtió nuna estrella mundial gracies a Scream, ta embaraxando apuntase a la quinta entrega d’esta saga de terror. Nuna entrevista en YouTube col periodista Jake Hamilton l’actriz confirmó que caltuvo negociaciones para incorporase a esti proyectu, magar depués foi borrada del sitiu. Poro, foi recoyida per medios estadounidenses como’l portal especializáu en cine de terror Bloody Disgusting, “Averaronse a mi y tuvimos delles conversaciones. Pol coronavirus, ye un pocu difícil agora saber cuándo va asoceder y yá que podamos poner d’alcuerdu en tolos elementos que se precisen por qu’asoceda”, dixo l’actriz. Campbell participó en caúna de les cuatro películes de Scream, una saga bien esitosa de terror que dio una nueva vida al subxéneru del slasher so la dirección d’un ídolu del cine más perturbador y esmolecedor como Wes Craven. El cineasta, que tamién foi’l responsable de la saga de Velea en Elm Street, morrió en 2015. Detrás de la quinta entrega de Scream atópase’l colectivu de cineastes conocíu como Radio Silence, que ta formáu por Matt Bettinelli-Olpin, Tyler Gillett y Chad Villella. En principiu, Matt Bettinelli-Olpin y Tyler Gillett van ser el directores de la película ente que Chad Villella va figurar como productor executivu. Estos trés realizadores presentaron l’añu pasáu la comedia siniestra Ready or Not. Y en el futuru tienen previstu dar forma a un thriller tituláu “The Ice Beneath Her” que va protagonizar Daisy Ridley, bien popular agora mesmu por ser la principal protagonista de la tercer triloxía de Star Wars. 0 FacebookTwitterPinterestEmail Anterior El Principáu camienta que nun ye momentu pa pensar na FP Dual siguiente Una nueva obra de Banksy rinde homenaxe a la sanidá Tamién te podria gustar La gala de los Goya va celebrase en... Avilés proyecta “Patriarcáu, l’organismu nocivu”, un documental contra... La última Palma d’Oru en Cannes brilla nel... Empiecen les proyecciones pa escolares de la Selmana... La Pola acueye la proyección de “Ente les... El Festival SACU va acoyer l’estrenu del cine-conciertu... La Factoría Cultural proyecta “La Mina en Llapaes” Güei proyéctase en La Pola “You resemble me” Servicios Sociales de Xixón presenta’l documental ‘Guapes Hestories... La BICC proyecta’l documental “Varsavsky – El científicu...