Netflix suma más abonaos que nunca impulsada pol coronavirus

Netflix suma más abonaos que nunca impulsada pol coronavirus
24 abril 09:01 2020 Imprimir

La empresa de vídeos de streaming de pagu más popular del mundu, Netflix, ye una de les beneficiaes económicamente del confinamientu impuestu polos gobiernos pa contener la epidemia del coronavirus.

Tal que fixo públicu ayeri la compañía norteamericana, el númberu netu de suscriptores de pagu nuevos de xineru a marzu d’anguaño algamó’l récord históricu de 15,8 millones. Gracies a esti impulsu, la plataforma rexistra anguaño casi 183 millones d’usuarios que paguen por ella, un 23% más que l’añu pasáu por estes feches.

La resultancia operativa neta (o beneficiu) de Netflix nesti periodu, amás, multiplicóse por dos, pasando de 344 millones de dólares nel primer trimestre de 2019 a 709 millones de dólares actuales.

Fuente: https://es.statista.com

  Categories: