Netflix respuende a les incendiaries declaraciones de Spielberg

Netflix respuende a les incendiaries declaraciones de Spielberg
06 marzu 11:10 2019 Imprimir

Netflix respondió al intentu del cineasta Steven Spielberg de vetar les sos películes nos Oscar. El director pretende evitar que filmes como Roma tean presentes nes futures ediciones de los galardones y propunxo camudar la normativa de nominaciones a la Xunta de Gobernadores de l’Academia de Cine de Hollywood na so próxima xunta va ser n’abril. Énte esta iniciativa Netflix reclama, vía Twitter, qu’ellos tamién amen el cine y “apurren a los cineastes otres formes de compartir el so arte”.

“Amamos el cine”, escribió la cuenta oficial de Netflix na rede social, que numberó una llista de coses que tamién aprecien como dexar l’accesu a persones que nun se puean pagar una entrada o nun tengan accesu a un cine nes sos ciudaes”; “dexar a toos en tol mundu esfrutar de los estrenos coles mesmes; o “apurrir a los cineastes otres formes de compartir el so arte”. “Estes coses nun s’esclúin mutuamente”, concluyó la plataforma.

La plataforma de streaming nun nomó directamente al aclamáu director nel so tuit, pero claramente respuende a la crítica del realizador sobro la so participación nos premios más importantes del sector cinematográficu. El director de La llista de Schindler, actual gobernador de l’Academia na sección de directores, propunxo una serie de cambeos por que les producciones puedan optar al Oscar.

Spielberg sostien que les películes que debuten en servicios de streaming o permanecen nuna curtia franxa de tiempu en cartelera nun tendríen de ser elexibles pola Academia pa lo que propón endurecer los requisitos. La normativa actual recueye que por que una cinta sía candidata a los Oscar ye necesario que se proyecte en cines de Nueva York y Los Ánxeles mientres siquier una selmana.

Endurecer estos requisitos mínimos ye una midida qu’afectaría non solo a les producciones de les plataformes de streaming sinón tamién, de forma colateral, a munches películes independientes, sobremanera aquelles que cunten con un menor presupuestu y de fala non inglesa, que lluchen cada añu por formar parte de los galardones más deseyaos del cine.

Magar la opinión del director de El color púrpura sobro Netflix yá la dexó clara va unos meses, lo cierto ye que les sos últimes declaraciones tuvieron llugar xustu dempués de la pasada edición de los Oscar, onde la cinta producida por Netflix, ‘Roma’, alzarase con trés estauínes: meyor película de fala non inglesa, director y fotografía . La carta d’amor en blancu y negru del realizador mexicanu Alfonso Cuarón a la so infancia nun llogró la estauína dorada y el premiu gordu de la nueche foi pa Green Book, cinta pola que Spielberg’ fixera campaña interna.

  Categories: