Netflix, Disney+ y Prime anuncien que van tener publicidá

La nueva era de les plataformes de ‘streaming’ avérase peligrosamente cola anuncia que vienen acabante facer Netflix, Disney+ y Prime de que  que van tener publicidá.

Les primeres tarifes pa les plataformes con publcidá conociéronse mientres estes últimes selmanes y afecten, pel momento, solo a Estaos Xuníos. Disney+ foi la más clara. La tarifa mensual con anuncios va entrar a valir el 8 d’avientu y va ser de 7,99 dólares. Ese ye’l preciu actual de la opción más barata (ensin anuncios) de la compañía. Otra manera, la ufierta más económica ensin publicidá va xubir un 37% dende avientu.

Cómo va ser la esperiencia publicitaria ye daqué qu’inda nun ta claru. A Disney gústa-y la opción qu’embaraxa Netflix, que ye poner cuatro minutos d’anuncios per cada hora. Siempres seríen de primeres o metanes la serie y nunca a la fin para favorecer el consumu maratoniano de los capítulos. Nun va haber publicidá nos conteníos infantiles y la compañía ta estudiando qué asocede colos productos que nun son sos porque los contratos roblaos nun incluyíen publicidá. Esti formatu nun contempla la posibilidá de descargar como hasta agora. Preciu: ente siete y nueve dólares, según Bloomberg. Ye más o menos la metá de lo que paga un estadounidense de tarifa básica. Y lo más sorprendente ye que yá se fala de que Netflix puede ganar unos 8.500 millones de dólares con esta nueva modalidá, que va entrar a valir nun puñáu de países primero que termine anguaño.

La espansión xeneral va producise en 2023, al igual qu’en Disney+. Amazon yá anunció que’l serviciu añal de Prime -que dexa ver la tele- va pasar de 36 a 49,90 euros. El ‘streaming’ busca más ingresos en plena crisis. La respuesta ye xuna incógnita.