Netflix aporta n’ochobre con precios mui baxos

L’aportar de Netflix n’ochobre al mercáu español va revolucionar el consumu audiovisual y facer enforma dañu a les ufiertes d’entretenimientu televisivu polos sos precios enforma baxos.

El dañu que fue facer a plataformes como l’asturiana Telecable pue albidrase, amás del preciu, nos sos requisitos mínimos de velocidá que vas precisar pa poder esfrutar caúna de les trés opciones de contratación de Netflix que va haber disponibles nel nuesu país.

La primer opción va tener un costu de 7,99€, servir pa un dispositivu y ufiertar una calidá estándar (non HD). No que fai a la conexón, va faer falta un mínimu de 500 Kbps, anque la conexón encamentada ye la de 2 Mbps. Esta ufierta pue valer pa los núcleos non urbanos, a onde nun aporta la fibra.

Per otru llau, la segunda opción que los asturianos van poer contratar de Netflix cuesta 8,99€, ye válidu pa dos dispositivos y ufierta los conteníos en calidá HD. La conexón mínima necesaria ye de 3 Mbps y la encamentada de 5 Mbps.
La tercer opción de 11,99€ sirve pa 4 dispositivos, ufierta’l conteníu en calidá 4K y la conexón mínima riquida ye de 15 Mbps. Esta modalidá de Netflix ye la más cara de los trés, pero dexa utilizar munchos más dispositivos y la calidá 4K qu’ufierta ye realmente increíble  a un preciu mui perembaxo d’una sóla conexón pa ún únicu dispositivu que presenten otres ufiertes.

Netflix collechó grandes ésitos nos países nos que ta disponible y espérase qu’equí tenga tamién una gran acoyida. Nel nuesu país hai munchos audiencia pales series y les películes, polo que posiblemente va tener una implantación bien rápida.