ConceyosEducación Neños Cantores de Viena y la Sinfónica de la BBC van ser les estrelles del Auditoriu by redacción asturnews 15 de setiembre, 2022 written by redacción asturnews 15 de setiembre, 2022 3,1K El presidente de la Fundación Municipal de Cultural, el conceyal José Luis Costillas presentó esta selmana’l ciclu de los Conciertos del Auditoriu y les Xornaes de Pianu Luis Iberni, que arrinca’l próximu 22 d’ochobre y va enllargase, como otros años, hasta xunu, teniendo a los Neños Cantores de Viena y la Sinfónica de la BBC como les estrelles del programa. La soprano Ermonela Jaho vuelve a Uviéu’l 22 d’ochobre pa inaugurar el programa de conciertos xuntu al tenor Ricardo Massi y cola OFIL de Lucas Macías. “Los abonos punxéronse a la vienta’l martes, día 13. Dende la Fundación Municipal de Cultura animamos a tolos uvieinos a que merquen cultura, sofiten el nuesu texíu cultural, una enorme baza granible d’esta ciudá, y que sigan atrayendo a estos ciclos nuevos aficionaos allegando colos sos fíos o nietos a los conciertos”, sorrayó’l conceyal de Cultura, José Luis Costillas. El presidente de la Fundación Municipal de Cultural, el conceyal José Luis Costillas presentó esta selmana’l ciclu de los Conciertos del Auditoriu y les Xornaes de Pianu Luis Iberni, que “arrinca’l próximu 22 d’ochobre y va enllargase, como otros años, hasta xunu, con nomes que siguen poniendo’l llistón de la ufierta de música clásica d’Uviéu no más alto”. La renovación y venta abono empieza mañana, día 13 hasta’l día 27, na taquilla del Teatru Campoamor (de 11 a 14 y de 17 a 20 hores) y en https://entraes.oviedo.es. Les localidaes sueltes, a partir del 15 d’ochobre. “Quiero destacar la enorme calidá del cartelu de conciertos d’anguaño, empezando pola apertura, el día 22 d’ochobre, con una de los meyores sopranos del mundu, l’albanesa Ermonela Jaho, que va tar acompañada pol tenor Ricardo Massi y cola Orquesta Uviéu Filarmonía y Lucas Macías al frente. Ensin dulda, un luxu cuntar con estos nomes nel arranque del programa. Y lo mesmo, cola inauguración de les Xornaes de Pianu, que van traer el sábadu 2 de payares al pianista francés Alexandre Kantorow, unu d’esos neños maravía que va ser una delicia poder escuchar n’Uviéu. Anguaño van pasar pela nuesa ciudá dalgunes de les meyores orquestes europees, como la de la BBC británica, la Orquesta de Cámara d’Europa, la Barroca de Friburgo o la holandesa Orchestra Eihgteen Century”, sorrayó Costielles de la que destacaba: “Vamos Tener la suerte de poder escuchar a unu de los coros infantiles más reconocíos de too el mundu, los Neños Cantores de Viena, que van tar n’Uviéu en marzu, nel Conciertu Estraordinariu fora d’abonu. Van Tar dirixíos por Manolo Cagnin. Pianistes de talla internacional, como’l gran Grigory Sokolov o la jovencísima Seong Jin Cho, van actuar esti cursu tamién nes tables del nuesu Auditoriu Príncipe Felipe”. El conceyal estimó “el sofitu de los nuesos patrocinadores, el diariu La Nueva España y l’editorial Prensa Ibérica, gracies a la so Subdireutora Xeneral, Ánxeles Rivero, y a la Fundación EDP, con Jorgelina Expósito Blanco. Responsable d’Actividaes Tresversales en representación de la entidá. Y un agradecimientu especial a los músicos de la orquesta Uviéu Filarmonía y al so director Lucas Macías, que toi seguro fadrá-yos llegar María Ablanedo, equí presente, al igual que’l director artísticu del ciclu, Cosme Marina”. 0 FacebookTwitterPinterestEmail Anterior Centros sociales abre plazu pa participar nes actividaes d’esti cursu siguiente Entamen los cursos y talleres de la Universidá Popular de Xixón Tamién te podria gustar Iniciativa pol Asturianu y Barbón desixen a Adif... L’Atles llingüísticu del Navia-Eo ponse n’accesu llibre Aína entama’l cursu políticu con un actu n’Uviéu Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes Barry B pieslla’l cartelu del Festival VESU San Xuan celebrase en toa Asturies con Xixón... Blanca Fernández foi la pregonera de la XXVII... L’ALLA abre’l plazu pa los cursos de la... La comedia “Guau” pieslla “escenAvilés” esti miércoles