Nel Ricardo Álvarez espubliza’l primer llibru n’asturianu al traviés d’un blogue

21 xunu 08:59 2010 Imprimir

Güei la lliteratura asturiana vive una importante novedá: la espublización del primer llibru que s’asoleya al traviés d’un blogue, la obra “Orbayu seco”, na que Nel Ricardo Álvarez Morán (Trubia, 1959), axunta 101 microrrellatos que pueden lleese de baldre nel blogue “Cordobello”.

L’autor espublizare yá, xunto a Maite González Iglesias los llibros pa rapacinos de “Ñubina, les estrelles y los pirates del espaciu” o “Ñubina atrapada nel Arcu la Vieya”, amás del llibru de testu “Les Coses d’Iyán”, ente otres obres.

Academia de la Llingua Asturiana yá espublizara dos microrrellatos de los conteníos n’“Orbayu seco” na so revista Lliteratura, y l’autor ufierta la so obra “a toles persones o organizaciones que quieran emprentalos con fines sociales”.

Blogue onde l’autor espubliza’l llibru

  Categories:
Loading Facebook Comments ...