Nacho González y el IES nº1 algamen el premiu María Elvira Muñiz de promoción de la llectura

by redacción asturnews | diciembre 3, 2020 9:40 am

Nacho González y el IES nº1 vienen acabante algamar el premiu María Elvira Muñiz de promoción de la llectura na convocatoria d’esti añu pol estraordinariu llabor que vinieron desenvolviendo pasu ente pasu. El Xuráu del XI Premiu María Elvira Muñiz de Promoción de la Llectura, que convoca la Fundación Municipal de Cultura, Educación y Universidá Popular, alcordó por unanimidá esti llunes, 30 d’avientu, otorgar el galardón añal na so Modalidá A (reconocencia a una persona, entidá o empresa por tola so trayectoria creativa, investigadora, divulgadora, educadora, etc. o por iniciatives especialmente destacaes a favor del llibru y la llectura) a Juan Ignacio (Nachu) González y na so Modalidá B Otorgar por unanimidá’l XI Premiu María Elvira Muñiz de Promoción de la Llectura na so Modalidá B (reconocencia a una persona, entidá o empresa por tola so trayectoria creativa, investigadora, divulgadora, educadora, etc. o por iniciatives especialmente destacaes a favor del llibru y la llectura) al IES Numbero 1 de Xixón.

Nachu González recibió’l premiu pola so estraordinaria llabor al mandu de los cuadiernos “Heracles y nós”, dende hai más de 30 años y pola so dedicación, esfuerzu y arrogancia» a la continuidá a les ediciones, con espardimientu gratuitu ente cientos de llectores, d’una ventena de poetes asturianos, ente ellos numberosos nuevos autores colos sos primeros testos.

Pela so parte, L’Institutu d’Educación Secundaria Númberu 1 recibió l’Elvira Muñiz, según fai constar el xuráu na acta, pol so proyectu didácticu tituláu “Xixón, patrimoniu lliterariu y cultural: so les bombes”, un ambiciosu plan interdisciplinar de motivación a la llectura en redol a la novelística y el patrimoniu cultural y artístico mientres la guerra civil.

El xuráu tuvo compuestu por Rafael Gutiérrez Testón, Fernando García Albella, María d’Álvaro, José Luis Argüelles y Estefanía Álvarez López, actuando como secretaria Patricia Menéndez Benavente.

Source URL: http://asturnews.com/nacho-gonzalez-y-el-ies-no1-algamen-el-premiu-maria-elvira-muniz-de-promocion-de-la-llectura/