Portada Sociedá N’ast solidarízase con Andecha pola casu de les papeletes prohibíes

N’ast solidarízase con Andecha pola casu de les papeletes prohibíes

by asturnet

Énte l’anunciu de la paralización del procesu de validación de les papeletes de les candidatures del partíu políticu Andecha Ástur al Congresu y al Senáu estatales per parte de la Xunta Electoral Provincial “pol simple fechu de tar presentaes en llingua asturiana”, l’Asociación Cultural N’Ast quixo denunciar esti comportamientu y amosar la so solidaridá.

N’ast califica esti fechu como “una nueva agresión antidemocrática a los drechos non solamente d’un partíu políticu (el poder presentase en llingua asturiana) sinón tamién del conxuntu de la ciudadanía asturiana (el poder votar n’asturianu)”.

L’asocación N’Ast denuncia “qu’esta arbitrariedá caciquil ye namás posible gracies a l’ausencia tanto d’un marcu xurídicu qu’oficialice la llingua asturiana como d’una movilización popular permanente col envís de camudar la estructura sociollingüística del País”.

Tamién te podria gustar