Portada Sociedá N’ast denuncia un casu de discriminación nel Institutu La Llaboral de Xixón

N’ast denuncia un casu de discriminación nel Institutu La Llaboral de Xixón

by asturnet

L’Asociación Cultural N’ast tuvo conocencia estos díes de la decisión de la dirección del Istitutu de la llaboral de Xixón de ñegar l’asignatura d’asturianu a doce alumnos de bachilleratu. Según N’ast “la dirección desvió una vegada más a estos alumnos a otres asignatures”.

N’ast considera esti fechu “pergrave y una amuesa más de cuala ye la probetaya situación de la Llingua Asturiana nel sistema educativu”. Pa la organización ta vulnerándose’l drechu de los asturianos a deprender la llingua del país. Amás, la dirección del institutu ataca direutamente a l’asignatura “yá que’l grupu d’alumnos ye una parte importantes del total de los matriculaos”. N’ast denunció la selmana pasada una situación asemeyada nel IES de Llanes, onde una cuarta parte de los alumnos de bachilleratu quedaren ensin asturianu por mor de la negativa de la dirección del centru.

N’ast esixe nel comunicáu que “l’IES de La Llaboral, l’Institutu de Llanes y la conseyería d’educación tomen les midíes afayadices pa qu’estos alumnos puedan a la fin estudiar asturianu y fine asina la persecución de la nuesa llingua”. Hasta esi momentu, diz Xabel de Cea, presidente de N’ast “nun entraremos nuna braera escolarización n’asturianu”.

Tamién te podria gustar