Portada Muséu de la selmana Muséu de la selmana: Muséu de la Madera de Campu Casu

Muséu de la selmana: Muséu de la Madera de Campu Casu

by asturnet

Redacción.

Na sección el ‘Museu de la selmana’ Asturnews.com quier encamentar a los sos llectores la visita al Museu de la Madera de Campu Casu, una instalación na que se pue conocer una de les industries asturianes con más importancia y menos conocida polos asturianos.

El museu presenta una esposición temática na qu’amuesa la importancia de la madera na sociedá tradicional asturiana, con especial atención al calzáu fabricáu con esta materia prima: les madreñes.

L’edificiu tien dos plantes y un solláu que sirve d’almacen y a los servicios internos del museu. La visita entama na planta baxa con una sala dedicada a la viesca y a les ferramientes. N’ella pueden vese les diferentes clases de madera utilizaes polos campesinos asturianos pa la ellaboración de preseos, oxetos domesticos, construcción d’edificios… asina como les ferramientes necesaries pa la tala y el trabayu de la madera. La esposición completase con un audiovisual que sirve d’introducción a tol museu.

El Museu de la Madera de Campu Casu ta abiertu de martes a domingu de 12 a 14 y de 17 a 19 hores y de 12 a 14 hores los festivos. Pa les visites guiaes pa grupos ye imprescindible acutar llamando al telefonu 985 608 097. La entrada ye d’1 euru y los martes de baldre. El museu ta asitáu en Veneros, a 2 quilómetros de Campu, nel conceyu de Casu.

Tamién te podria gustar