Murias celebra’l domingu 29 un Mercáu Tradicional dedicáu a la mina

26 xunetu 02:49 2007 Imprimir

Dende les 11 la mañana del domingu 29 de xunetu, la localidá ayerana de Murias va abellugar les actividades y actos organizaos pala novena edición del Mercáu Tradicional de l’Asociación Cultural La Colegiata de Murias. Esti añu’l mercáu tará especialmente dedicáu a la mina, que cuntará con una exposición etnográfica.

Durante tol día van poer visitase dellos talleres en vivo, de cestería, cantería, etc., amás de tou tip d’artesanía. L’animación será la estrella de tolos actos del mercáu, con pasucais al toque de sirena, el baille los mineros y montaes de teatru na cai, nos que la mina sedrá la tema central.

Los neños tendrán el so propiu rincón infantil con talleres de xuegos antiguos y tradicionales, y cuentacuentos de lleendes del valle mineru. La xinta popular, con paella xigante ellaborada en directu por espertos cocineros va dar pasu a les 17 hores a un campeonatou del xuegu de la rana y a continuación, a les 20 hores el grupu de teatru Cabayín fadrá reir a tolos asistentes cola comedia costumbrista asturiana “Una de matrimonios”.

  Categories:
Loading Facebook Comments ...