Muerre Leonard Cohen a los 82 años

Muerre Leonard Cohen a los 82 años
11 12:00 2016 Imprimir

El llexendariu cantautor y poeta canadiense Leonard Cohen finó güei a los 82 años, según informaron al traviés del so perfil oficial na rede social Facebook.

”Perdimos a unu de los visionarios más veneraos y prolíficos de la música”, apuntó’l testu, que nun informó del llugar nin de les causes de la muerte. Lo que sí especificó la curtia nota ye que se va entamar un homenaxe al artista en Los Ánxeles, la ciudá na que moraba, nuna fecha inda ensin determinar.

Figura imprescindible ente los cantautores surdíos nos años 60, Cohen caltuvose n’activu mientres tola so vida, combinando música y poesía, y n’ochobre d’anguaño llanzara un nuevu discu, “You Want It Darker”. Una cátedra de la Universidá d’Uviéu reconoció la so aportación lliteraria al mundu de la música y la cultura.

  Categories: