Muerre l’actor llangreanu Carlos Álvarez-Nóvoa

El polifacéticu actor y dematurgu llangreanu Carlos Álvarez-Nóvoa dexonos esta selmana dempués d’algamar éxitos como’l Goya al meyor actor revelación a los 58 años con “Solas” (1999).

Esti actor, dramaturgu, director, profesor y unu de los fundadores del Centru Andaluz del Teatru, que ye consideráu pola crítica una figura imprescindible na escena española, finó esta madrugada en Sevilla a los 75 años.

L’actor, que dio vida a un solitariu y bonable vieyu en “Solas”, la película qu’impulsó’l cine andaluz, instalose en Sevilla en 1963 y, dende ellí, convertiose nun referente del teatru andaluz con galardones como’l Premiu Tirso de Molina de Teatru de 1999 pola so obra “La venus del espejo”, o’l de la Unión d’Actores de 2009 pol montaxe teatral “Bodas de sangre”.

Carlos Álvarez-Nóvoa (La Felguera, Asturies, 1940) estrenó en mayu del pasáu añu en Sevilla “Adúlteros”, una de les munches obres qu’escribió dende 1960. 

Participó n’abondos proyecto snos últimos años:  la autoproducción de la película “La lluz col tiempu dientro”, sobre la vida y l’obra de Juan Ramón Jiménez, que s’estrenó’l pasáu marzu, por exemplu. Unu de los sos últimos papeles foi na película “La novia,” una hestoria empobinada por Paula Ortiz ya inspirada en Bodes de sangre que s’estrena esti miércoles nel Festival de Cine de San Sebastián. Amás de participar nes series de televisión El ministeriu del tiempu y Carlos, rei emperador, na que da vida a Leonardo da Vinci.