Portada Música Muerre Aretha Franklin, la voz feminista del soul

Muerre Aretha Franklin, la voz feminista del soul

by redacción asturnews

La cantante Aretha Franklin finó esti xueves a los 76 años víctima d’un cáncer diagnosticáu en 2010, según l’axencia Afp citando al so representante.

L’alarma del so delicáu estáu de salú, qu’ella intentó esconder por tolos medios, saltó precisamente esti llunes pela mañana, cuando medios estadounidenses aseguraron que l’artista topábase bien grave y acompañada de tola so familia na so casa de Detroit aguardando’l final d’una esistencia dedicada por entero a la música.

Tres les primeres informaciones, un sobrín de Aretha declaró’l martes que taba “consciente” y folgando en casa, a pesar de tar “gravemente enferma”. Nes sos últimes hores de vida, l’artista recibió la visita d’amigos como Stevie Wonder, amás de numberosos homenaxes. Da la casualidá que Aretha finó’l mesmu día que se cumplen 41 años de la muerte d’otru mitu de la música, Elvis Presley.

Aretha Franklin decidió suspender los sos conciertos a primeros d’añu dempués de que los médicos aconseyáran-y que guardara reposu absolutu debíu a la meyora de la so enfermedá. La cantante, qu’había perdíu más de 40 quilos, anunciara los sos planes de retirase l’añu pasáu. Eso sí, esclariaba qu’actuaría solo en “delles coses selectes”. Facer el pasáu mes de payares nun conciertu en Nueva York de la Fundación Elton John para la llucha contra’l sida.

Tamién te podria gustar