“Mucho ha llovido” pieslla esti vienres la sección de teatru “Fechu n’Asturies”

“Mucho ha llovido” pieslla esti vienres la sección de teatru “Fechu n’Asturies”
09 marzu 08:15 2016 Imprimir

La sección Fechu n’Asturies”, del ciclu xineru-marzu’16 de escenAvilés, llega esti vienres al so fin cola obra “Mucho ha llovido”, que va ser llevada a escena a les 20:15 hores nel Teatru Palacio Valdés. Les entraes tán a la vienta al preciu únicu de 10 euros.

Tratase d’un montaxe de la compañía Factoría Norte, dirixíu por Borja Raspies, sobre una obra que supon l’estrenu del periodista Pachi Poncela nel xéneru dramatúrgico. “Mucho ha llovido. Fin de fiesta en tres diarios hablados” ye’l títulu completu d’esti espectáculu que narra la hestoria d’una ciudá milenaria que, por causa de la incesante agua, encara la so desapaición aldericándose en qué ye aquello que la identifica.

En mediu del diluviu, una pareya d’antiguos bibliotecarios curien estos símbolos de la que reciben la visita de los más insignes habitantes de la ciudá. Toos ellos ven como les sos vides inventaes vanse desmoronando metanes esta situación.

El mesmu autor calificó la obra como ‘una crítica escontra’l obliguismo’, un alegatu contra aquello que dixebra cola escusa d’una singularidá irreal. Esta obra recibió’l pasáu añu’l X Premiu Xovellanos a la Producción Escénica.

  Categories: