Morrió l’abogáu y políticu asturianista Xuan Pertierra

14 agostu 03:52 2009 Imprimir

Xuan Ramón Pertierra Argiz, conocíu popularmente como Xuan Pertierra, finó esta selmana a los cincuenta años (cumplía 51 el próximu 30 d’agostu). A lo llargo de la so vida participare nel movimientu asturianista dende estramaos campos, participando na so mocedá de la Lliga Celta d’Asturies. Pertierra yera abogáu criminalista y foi parte en munchos de los casos con más sonadía, asocedíos na ciudá de Xixón nos últimos años.

Dende 1994 yera miembru del PAS y nesti tiempu ocupó cargos institucionales, siendo Secretariu Xeneral de l’Agrupación Llocal de Xixón dende xunetu de 2004 hasta la so dimisión en mayu de 2007, amás de miembru de la Executiva Nacional de la mesma formación ente 2001 y 2007. Foi candidatu a diputáu y conceyal en delles ocasiónes. Dexó vilda y un fíu.

El Partíu Asturianista amosó yá’l llutu nun comunicáu, mesmo qu’otres formaciones asturianistes.

  Categories:
Loading Facebook Comments ...