Monitores xuveniles d’Avilés reciben formación n’acompañamientu emocional

El xueves pasáu monitores y monitores de los distintos proyectos municipales dedicaos a la mocedá, como les actividaes extraescolares o’l proyectu “Güei sálese”, recibíen una formación n’acompañamientu emocional que ye una esmolición importante nes sos actividaes cola mocedá avilesina. 

Trabayadores de la entidá Ye Too Ponese fueron encargaos d’impartir el taller, que tubo basáu na Guía d’Acompañamientu Emocional qu’ellaboraron y presentaron el pasáu 22 de febreru y que cunta col financiamientu de la Conceyalía de Mocedá del Conceyu d’Avilés. Ente les profesionales al cargu de la formación hai persones titulaes en Psicoloxía, Integración Social y Educación Social.

Esta guía ye una ferramienta de gran utilidá p’ayudar a persones que se dediquen a formar, monitorear y dinamizar grupos de participación y educación non formal nel manexu de les emociones del so alumnáu y apurri-yos ferramientes pa llograr una bona xestión de les relaciones, favoreciendo los bonos tratos. Too ello ye clave por que les y los menores tengan motivación nos sos estudios, actividaes extraescolares o actividaes d’ociu y tiempu llibre.