Mocedá llanza #AvilésSuenaEnCasa por que los mozos compartan el so talentu

Mocedá llanza #AvilésSuenaEnCasa por que los mozos compartan el so talentu musical en redes sociales. Los vídeos van sopelexase al traviés de la páxina de facebook del festival ‘Avilés suena bien’ y quien tea interesáu en  participar tendrá de faer llegar les sos actuaciones al corréu artejovenavilesgmail.com.

¿Yes un cantante n’acurres? ¿Tienes talentu para tocar dalgún preséu musical? ¿Yá yes tou eso, pero solu toques para un públicu amenorgáu? Mira per ónde’l confinamientu bríndate la oportunidá de que te vean y escuchen miles de persones gracies a la propuesta AvilésSuenaEnCasa.

Ye una iniciativa que la área de Mocedá del Conceyu pon sobro la mesa pa, nestos momentos complicaos de crisis sanitaria, dar más visibilidá a los mozos artistes locales y facilitar la participación poniendo a la so disposición la páxina de facebook del festival Avilés suena bien:

“Los mozos artistes d’Avilés tán xubiendo un montón de conteníu a les sos redes sociales, por eso punximos a la so disposición la páxina del festival, p’animar asina a la xente a que xuba los sos vídeos”, esplica la concejala de Mocedá del Conceyu d’Avilés, Raquel Ruiz.

Pa participar nesta iniciativa solo hai qu’unviar un video interpretando una tema a escoyer pol artista al corréu: artejovenavilesgmail.com. D’esa forma, amás de dar a conocer y compartir el to talentu gracies a les redes sociales, ayudar a xenerar conteníos por qu’otres persones lleven daqué meyor la reclusión nos llares que ta suponiendo esti enllargáu Estáu d’Alarma pa combatir la espansión del coronavirus.

“Avilés Suena Bien” ye una de les resultancies de les comisiones de participación de la Conceyalía de Mocedá. La idea del festival surdió arriendes de les xuntes calteníes a lo llargo del añu 2017 colos distintos grupos de música locales formaos por mozedá ente 16 y 30 años onde éstos treslladaron les sos moliciones. Dende la Conceyalía de Mocedá dio respuesta tratando de buscar la manera d’averar a estos mozos los recursos municipales ya intentando cuntar con ellos na midida de lo posible nes distintes actividaes que surden na ciudá a lo llargo de too l’añu.

Nestos alcuentros surdió la idea d’entamar un festival que diera visibilidá a les formaciones locales, festival que se celebró yá en delles ocasiones dientro del programa de fiestes de San Agustín.