Portada Comunicación Miguel Cavero gana’l IX Concursu Semeyes LA SIDRA

Miguel Cavero gana’l IX Concursu Semeyes LA SIDRA

by redacción asturnews
“L'Heriedu de la Sidra”, semeya de Miguel Cavero

El guipuzcoanu Miguel Cavero vieno acabante ganar el IX Concursu Semeyes LA SIDRA, con Martín Pérez llogrando’l primer accésit y Javier Parapar el segundu y el premiu especial JR. La entrega de premios y l’esposición de les fotografias va tener llugar el próximu 5 de febreru na Sidrería La Galana, de Xixón.

Na xunta del xuráu que tuvo llugar na tarde nueche del vienres 15, concedióse’l primer premiu a la fotografía “L’Heriedu de la Sidra”, del guipuzcoanu Miguel Cavero, el primer accésit a Martín Pérez d’A Coruña, y el segundu accésit y el premiu especial JR foi pal entreguín Javier Parapar, pola so obra “El corresponsal” y “Al otru llau”, respectivamente.

Asina mesmu escoyeronse les 20 meyores fotografíes que van formar parte de la esposición que se va inaugurar el próximu vienres 5 de febreru na Sidrería xixonesa La Galana. El xuráu tuvo compuestu por Carlos M. López. Camala.Fotógrafu, como presidente del xuráu, Pedro Gutiérrez, del Grupu Fotográficu Zona 5, José Pañeda, fotógrafu, Jorge Fanjul, infografista d’Atelier plus, Marcos León, fotoperiodista de La Nueva España y les deliberaciones del mesmu tuvieron abiertes al públicu pa que pudieren asistir a les valoraciones del xuráu.

Nesta novena edición del Concursu Semeyes LA SIDRA participaron un total de 73 fotógrafos de 9 países distintos, anque la mayor participación foi asturiana, siguida de la vasca, presentándose un total de 253 fotografíes.

Los premios otorgaos tienen una dotación de:
· Imaxe ganadora dotada con 700 € en metálicu y llote de llibros y productos sidreros.
· 1 Accésit con una dotación de 200 € en metálicu más llote en llibros y productos sidreros .
· 2º Accésit con una dotación de 100 € en metáico más llote en llibros y productos sidreros
· Premiu especial “Sidra JR” dotáu con dos caja de sidra del mentáu llagar.

El Concursu Semeyes LA SIDRA cunta dende’l so orixe col sofitu del Llagar JR y la collaboración de la Sidrería La Galana de Xixón, siendo, con nueve ediciones, el más antiguu de los que tien como temática a la sidra, y el que cunta con mayor participación y más presencia internacional, anque mientres estos nueve años d’esistencia, apaecieron iniciatives similares tantu en Asturies (Concursu de la DOP), como nel País Vascu, y l’estáu de Hessen n’Alemaña.

Tamién te podria gustar