Portada Emigración Migoya ve ‘normal’ que 10000 asturianos emigren al añu y achácalo a la ‘movilidá llaboral’

Migoya ve ‘normal’ que 10000 asturianos emigren al añu y achácalo a la ‘movilidá llaboral’

by asturnet

Nel mesmu día nel que dalgunos medios de comunicación asturianos se faen ecu del informe del Sadei qu’estima nunos 10000 al añu los asturianos qu’emigren de la rexón, dándose’l casu especialmente grave de dalgunos conceyos, como’l de Mieres, que pierden dos habitantes por día, la conseyera de Cultura, Comunicación Social y Turismu, Ana Rosa Migoya, refugó’l conceptu d”emigración’, rellacionando estes cifres cola ‘movilidá llaboral’.

‘Asturies nun puede absorver a tolos profesionales, qu’opten por movese a otres autonomíes onde tienen más posibilidaes p’atopar puestos nos sos trabayos’, aseguró la responsable de Cultura ente los datos ellaboraos pola Sociedá Asturiana d’Estudios Económicos ya Industriales qu’estimen en más de 10000 persones los asturianos que tienen d’emigrar fuera de la rexón al añu.

Lo que p’Ana Rosa Migoya ye una ‘desaxeración’ esti fenómenu migratoriu y dafechu ‘normal en toa Europa’, foi definío por otros sectores como Comisiones Obreres como ‘falta de trabayu’ n’Asturies que lleva a ‘desaprovechar un caudal de mozos altamente cualificaos impresionante’.

Tamién te podria gustar