ConceyosEscéniquesMúsica Mieres fai xorrecer la so programación cultural by redacción asturnews 9 de setiembre, 2021 written by redacción asturnews 9 de setiembre, 2021 3,1K El conceyu de Mieres vuelve liderar nel últimu cuatrimestre del añu, les convocatories culturales n’Asturies y fai xorrecer enta más la so programación cultural pa la seronda. El programa d’actos ye plural, potente y calidable. La Conceyalía de Cultura que dirixe Juan Ponte, cola collaboración d’otres árees municipales, apueste pola música, el teatru, les charres y conferencies, presentaciones de llibros y les esposiciones. Les actividaes tán dirixíes a tolos públicos y edaes. Les convocatories musicales son variaes y d’interés. Van dende la tonada, col Festival Cuenca del Caudal de Cantar Asturianu hasta’l heavy de la banda “Angelus Apátrida”, una de los grandes del thrash metal moderno qu’esfruta de reconocencia internacional, pasando pola música sinfónica de la Banda de Música de Mieres y la Banda Sinfónica del Atenéu Musical. La música urbana con Young 13, Zona Norte y Pau By Chance y la performance del proyectu “Hybridization”, de David Mallada & Rob Loren, son otres propuestes musicales d’induldable curiosu que van xubir a los escenarios mierenses esti mes de setiembre. L’apueste pol bon teatru tamién ta presente esti mes. Ente otres propuestes sobro les tables van tar “Malaje Teatru” con “Obscena. L’olvidu de Shakespeare”, con organización de la conceyalía de la Salú, y la compañía “La Sorrisa del Llagartu”, que va representar “La Mona Simona” encamentada pa los más pequenos y les sos families. “El show de Tato” ye otra representación empobinada a los neños. Les presentaciones de llibros, ente ellos “Trasiegu, un añu ensin trabayu” de la periodista Rosa Fuentes; “Asturies Industrial. Un percorríu pol so patrimoniu históricu” de Toño Güerta y “Xuna vida de compromisu” de Juan Luis Vallina y les esposiciones nel Atenéu de Turón nes que se va ver “Tierra Negra. Mines y Mineros” d’Eduardo Urdangaray y Ramón Jiménez, tamién destaquen na programación cultural de setiembre. Tola programación cultural pudi recoyese en papel nos distintos equipamientos culturales del conceyu y tamién puede consultase y descargase na web municipal www.mieres.es 0 FacebookTwitterPinterestEmail Anterior Vuelve’l Ciclu de Cine científicu a Xixón siguiente Preparen un nuevu biopic sobro los últimos años d’Amy Winehouse Tamién te podria gustar Iniciativa pol Asturianu y Barbón desixen a Adif... Semando Son amuesa’l nuevu folk asturiano L’Atles llingüísticu del Navia-Eo ponse n’accesu llibre Nun Tris abre les Xornaes del Festival Nel... El Trasiegu Fest va tener un mercáu con... Tatxers, Skabidean y la nueva escena musical Navarra... Aína entama’l cursu políticu con un actu n’Uviéu Algaire repite l’éxitu del 2022 en Lorient Ventanielles y Guillén Lafuerza van ser una “Fábrica... La Banda Gaites de Castrillón ufrió’l so repertoriu...