Música Mieres celebra San Xuan con entrambos festivales dedicaos a la música y cultura más actuales by asturnet 15 de xunu, 2005 written by asturnet 15 de xunu, 2005 57 Les fiestes de San Xuan de Mieres, unes de les más tradicionales y populares d’Asturies, ufierten esti añu un programa bien diversu y bayurosu n’actividaes. Amás de la imprescindible cita cola foguera y la danza prima na nueche del 23, y de los conciertos de Jarabe de Palo, esti viernes 17 y de Carmén París, el sábadu 18,la villa del Camín acueye nes mesmes feches entrambos eventos dedicaos a la música electrónico y a la cultura hip-hop. El II Festival de Graffiti, Hip Hop y Breakdance “Mina d’Ases” celébrase esti viernes 17 y el sábadu 18 nel recintu del grupu escolar Aniceto Sala. Grafiteros, pinchas, músicos y breakdanzarines de tol estáu xunténse en Mieres en dos díes de sesiones intenses dedicaes a les espresiones más vives d’esta cultura que tien calao abondo na mocedá urbano de les cuenques. La nómina de grafiteros fórmenla:Poli 124, Kraser, Ocean (Cartagena)Mosh, Wue, Etor (Kritical Worx Cru. Uviéu), Boa Mistura (Madrid), Pastron 7, Desfase (Madrid), Mot, Dam, Onak (Karton Networkers. Lugones)Palos, 777, Ki2, Kans (Mieres),Sufre, Star2, Birtone, Warlock (Arrea 51. Uviéu y XiXón), Zudi, Sacke, Romwel, Hek (Barcelona),Wip, Cetl22 (Canarias), Logan, Sil (Sevilla), Taem54, Wep, Smol, BRK192, Chema (Madrid),Ruso y cerdos (Jaen) y Sex (Granada). Ente los músicos y cantantes de Hip Hop van tar CTS, Modus Vivendi, Johny De la Fuente, La Perdición, Son de Rima, Hip-O´Thesis, Rap por decreto, Milan City, Doce por Ciento, Al pie de la letra, 13 Palabras, Logic, Null Handicap (Asturies); Frodo, Rodas y Camaleón, Antonio Martillo y Sanfrutos Dos Santos (Madrid); Deza 7ma Raza (Venezuela) y Del Kaukaso(Jaen). Nel apartáu de Dj’s participen en “Mina d’Ases”: Frodo, Smol Noize, Gunter, Nesto Rock. La plaza del Requexu va acoyer al empar, los mesmos díes, el festival de música electrónico Requexu Sounds, cola participación de pinchas como Helios Amor (Koniek),Playmobil a.k.a. djvoo, Karman, Alonso Varela, Dark la eMe y Dj Terente. 0 FacebookTwitterPinterestEmail Anterior El gobiernu asturianu aprobó les estratrexes pal desenvolvimientu de la sociedá d’información siguiente Nélida Piñón defende el mestizaxe y reivindica l’espaciu de Brasil na lliteratura llatinoamericana Tamién te podria gustar Semando Son amuesa’l nuevu folk asturiano El Trasiegu Fest va tener un mercáu con... Tatxers, Skabidean y la nueva escena musical Navarra... Algaire repite l’éxitu del 2022 en Lorient La Banda Gaites de Castrillón ufrió’l so repertoriu... Fitoria torna nueve años depués a brillar en... La Delegación asturiana en Lorient protagoniza la xornada... Jaime Álvarez gana’l 36 Troféu Mac Crimmon de... Entamó en Lorient el 52 Festival Interceltique 4200 firmes sofiten la música n’asturianu en XIxón