Portada Música Mick McHauley y Winifred Horan esti xueves en Xixón

Mick McHauley y Winifred Horan esti xueves en Xixón

by asturnet

Los dos integrantes del grupu “Solas” presenten, dende les 20,00 hores del xueves 26 d’ochobre na Colexata de San Xuan Bautista, el so nuevu trabayu dientro d’El Ciclu de Música del siglo XX de la Caxa. El curdión y la voz del grupu irlandés-americanu axunten fuerces por primera vegada como duu y entamen una aventura xuntos cola salida del so trabayu “Serenade”.
L’orixe de “Solas” remóntase a 1996 y, dende entós, ye una de les agrupaciones de referencia pa los y les aficionaes a la música folk de tou’l mundu; con esta banda los dos músicos actuaron nos festivales de música celta más importantes del mundu.
McAuley y Horan lleven al oyente al través d’un viaxe de vieyos cantares tradicionales con igües nueves, versiones contemporanies y nuevos temes. Son dos de los meyores músicos del panorama folk irlandés que se desmarquen de la llinia qu’hasta agora siguieren pero ensin escaecer el so propiu estilu que tantu éxitu-yos proporcionó.

Tamién te podria gustar