Méndez de Vigo asegura que nos presupuestos «va haber aumentu pa beques»

Méndez de Vigo asegura que nos presupuestos «va haber aumentu pa beques»
24 febreru 14:14 2017 Imprimir

El ministru d’Educación, Cultura y Deporte, Iñigo Méndez de Vigo, vieno acabante facer un llamamientu al PSOE a que sofite los Presupuestos Xenerales del Estáu (PGE) propuestos pol Gobiernu pa “favorecer” a los estudiantes porque “va haber aumentu pa beques”.

Asina contestó’l ministru a la entruga formulada pol diputáu del PSOE Ignacio Urquizu, mientres la Sesión de Control al Gobiernu, na que reprochó al Executivu’l so “enfotu” en “perxudicar a los estudiantes con menos recursos” colos retayos y la fragmentación de les beques universitaries.

Pa Méndez de Vigo, el planteamientu de la cuestión tien “un erru” porque, según apuntó, la voluntá del so departamentu ye “favorecer y garantizar la igualdá d’oportunidaes y faer realidá’l principiu de que naide n’España tenga que dexar d’estudiar por razones económiques”. En recordando los más de 1,4 millones invertíos en beques en 2016 y los más de 800.000 alumnos beneficiaos poles mesmes, Méndez de Vigo defendió que’l Gobiernu “fixo una xestión sostenible del sistema de beques” que nun esistía antes de la crisis y que, al so xuiciu, llevó a esti sistema a “un déficit insoportable”.

  Categories: