Melendi va grabar un discu acompañáu d’una banda gaites en San Matéu

16 agostu 23:40 2005 Imprimir

Melendi va aprovechar el so conciertu dientro les fiestes de San Matéu n’Uviéu pa grabar un DVD en directu. L’alcuentru del rumberu carbayón col so públicu va ser el prósimu 20 de setiembre y a la so formación avezada va acompañala una banda de gaites nel que quier ser el conciertu más asturianu de la so xira braniega.

Les pistes de San Llázaro son l’escenariu escoyíu polos responsables de programación de Festeyos del Ayuntamientu d’Uviéu pa asitiar l’actuación del rumberu de La Tenderina. Con esta ubicación, los organizadores quieren evitar que se produza un colapsu nos accesos al sitiu del conciertu como sucedió l’añu pasáu n’actuación de Melendi na Plaza la Catedral.

La presencia d’una banda de gaites y l’espardimientu masivu de banderines colos colores de l’asturiana van ser el guiñu del uvieín a la so afición local. Melendi vuelve a la so ciudá col últimu discu publicáu: “Que el cielo espere sentao”. El prósimui va ser el CD-DVD que va grabase nel conciertu de San Matéu el 20 de setiembre, l’últimu día de les fiestes carbayones.

  Categories:
Loading Facebook Comments ...