Mecatrónica y Soldadura son los ciclos formativos con mayor demanda n’Avilés

Mecatrónica y Soldadura son los ciclos formativos con mayor demanda n’Avilés
25 xunetu 16:11 2018 Imprimir

El Centru Integráu de Formación Profesional (CIFP) Avilés (antiguu Juan Antonio Suanzes) va volver funcionar a plenu rendimientu nel próximu cursu 2018-2019 con Mecatrónica y Soldadura, como los ciclos formativos con una mayor demanda.

Les 807 solicitúes recibíes pa les 850 places ufiertaes confirmen la bona salú nel conceyu d’estos estudios de FP que lleven años demostrando’l so poder d’atracción tantu de forma presencial como a distancia, con otres 146 solicitúes pal próximu cursu. Asina, cuando empiecen les clases a partir de setiembre van ser más de 1.600 los estudiantes que, mañana y tarde, formense nel centru. Los ciclos de Mecatrónica y de Soldadura son los qu’anguaño recibieron un mayor númberu de demandes de matriculación.

La ufierta formativa estremase en nueve families profesionales de grau medio y superior, a les que se xunen los siete certificaos de profesionalidá del Serviciu Públicu d’Emplegu del Principáu (Sepepa) y a los ciclos nos que s’aplica la Formación Profesional (FP) Dual, que los sos sesenta alumnos siguen esti mes de xunetu formándose concluyendo les práctiques nes empreses que participen nesta modalidá. El próximu mes de setiembre va entrar nel CIFP avilesín xuna nueva promoción formada por ventitrés estudiantes de FP Dual, onde les hores de práctiques nes empreses ye bien cimera a la formación tradicional.

La selmana pasada publicáronse les llistes d’almitíos provisionales, que van poder formalizar la so matrícula hasta esti vienres día 27. En septiembre va haber un segundu periodu de matriculaciones, una vegada que se sepa’l númberu de repetidores y les places llibres definitives, si les hubiera, nos graos más demandaos, qu’un cursu más vuelven ser Mecatrónica Industrial y Soldadura. Pa la primera recibiéronse nel centru de formación profesional avilesín 148 solicitúes anguaño, 48 más que’l cursu pasáu, para sesenta places. Soldadura demanda 69 persones. Ente los dos acopen una cuarta partes de les solicitúes recibíes nos venticuatro ciclos ufiertaos.

Dempués, a gran distancia, asítiense los graos cimeros d’Alministración y Finances (41), el de Sistemes Electrotécnicos (39), el grau mediu de Microinformática y redes (41) y el superior de Llaboratoriu d’analís y control calidable (40). Nesta primer fase de matrícula, na que tienen preferencia los estudiantes qu’acaben de terminar los sos estudios de Secundaria o Bachilleratu nel casu de los graos medios y superiores, respectivamente, el centru matricula ‘per debaxo’ de la ratio máxima, que son trenta alumnos por aula.

 

  Categories: