Portada Lliteratura Máxim Huerta gana’l premiu Fernando Lara con un drama familiar

Máxim Huerta gana’l premiu Fernando Lara con un drama familiar

by redacción asturnews
Maxim Huerta - Foto: Discasto (https://commons.wikimedia.org/wiki/User:Discasto)

Máxim Huerta ganó la XXVII edición del premiu de novela Fernando Lara, con Adiós, pequeñu, una hestoria que cunta la relación ente una madre y un fíu nuna familia na que “el silenciu ye la solución de too”.

L’escritor, periodista y ex ministru valencianu de Cultura Máximu Güerta ganó la XXVII edición del premiu de novela Fernando Lara, dotáu con 120.000 euros, cola novela titulada “Adiós, pequeñu”, que cunta la relación ente una madre y un fíu nuna familia na que “el silenciu ye la solución de too”. Como ye tradicional, el premiu, dotáu con 120.000 euros, fallóse mientres la celebración d’una cena de gala nos Reales Alcázares de Sevilla.

L’escritor, periodista y ex ministru valencianu de Cultura amosóse emocionáu y delantre de tolos asistentes y faciendo usu del micrófonu llamó a la so madre pa da-y la noticia y depués pidi-y cariñosamente que se fora yá a la cama. En recibiendo’l premiu, Güerta esplicó a los periodistes que la so madre nun va poder lleer la novela porque “yá empezó a esleise” y que, sicasí, nos trés años que lu llevó escribila -matizó diciendo que, en realidá ye un llibru qu’empezó a escribir dende los sos primeros años de vida- la so madre foi la so principal fonte d’información.

L’autor sosprendió a toos al dicir que la primer frase la de la novela ganadora ye: “La mio madre fuera más feliz si yo nun naciera”, dempués de lo que afirmó sobro’l so llabor como escritor que “van venir otres noveles, pero nenguna va ser como ésta; ye la novela de la mio vida, la que siempres voi recordar”. “Nun escribí esta novela pa publicar sinón porque precisaba escribila pa mi mesmu; y esa llibertá ye la que tamién me fixo llevala a bon puertu”, aseguró l’autor, quien en nengún momentu quixo desentrañar la so obra.

Güerta describió la novela ganadora como “xuna despidida”, anque tamién aseguró que toma delles xeneraciones, con fechos que van dende 1937, añu de la nacencia de la so madre, hasta l’actualidá, y sobremanera de la xeneración de “los nuesos padres”, que vivieron “n’otros escenarios, con otres posibilidaes y otros mieos”.

La novela va llegar a les llibreríes el 15 de xunu, y compitió pol premiu con otres 364 obres.

Tamién te podria gustar