Portada Escéniques Maxi Rodríguez presenta nel Xovellanos “Crecer”

Maxi Rodríguez presenta nel Xovellanos “Crecer”

by redacción asturnews

Esti vienres 22 de xineru, a les 20.30, y el sábadu 23, a les 19.00h, Maxi Rodríguez presenta nel Xovellanos “Crecer”.

L’actor, dramaturgu, guionista y director d’escena, Maxi Rodríguez, cunta qu’una amiga so abrió por erru un sobre. Nél había una grabación d’un padre que se dirixía al so fíu, dieciséis años dempués de fuxir en conociendo la noticia del embaranzu. “Soi’l to padre y, bonu, quiero conocete, preciso cuntate, falar…” Mientres escuchaba la narración de la so amiga, l’autor asturianu nun dexaba de pensar qu’esi sería un arranque perfectu pa la so próxima ficción. Asina nació Crecer, “la hestoria de nunca acabar. A vueltes con los nuesos mieos, los nuesos suaños, árboles que s’enllenen de formigues y adultos apinaos de Peter Pan”.

Maxi Rodríguez recibió numberosos premios teatrales (Borne, Marqués de Bradomín, Xovellanos, ¡Oh! al meyor autor…). El so talentu pa la comedia llevólu a ser guionista de la serie 7 vides y del llargumetraxe Carne de pita, ente otres munches apaiciones y trabayos del mundu escénicu y televisivu. Como actor vímoslu en numberoses películes y en series de televisión. El so estensu currículum recueye, amás, la dirección d’espectáculos pa grupos independientes y pal Centru Dramáticu Nacional.

Tamién te podria gustar