Max von Sydow algama’l Premiu Honoríficu del Festival de Sitges

Max von Sydow algama’l Premiu Honoríficu del Festival de Sitges
11 xunetu 07:38 2016 Imprimir

L’actor suecu Max von Sydow va recibir el Gran Premiu Honoríficu del Festival Internacional de Cine Fantásticu de Cataluña, Sitges 2016, demientres la ceremonia d’inauguración del certame, que va tener llugar ente’l 7 y el 16 d’ochobre.

El director del Festival, Ángel Sala, reconoció hai poco que-y tremecerán “un pocu les manos” cuando apurra’l galardón a esti actor fetiche d’Ingmar Bergman y conocíu mundialmente pol so papel del Padre Merrin n’El exorcista.

El Festival va cuntar tamién cola presencia del director y músicu Rob Zombie, al pie de la so pareya y musa, l’actriz Sheri Moon Zombie. Otros invitaos pernomaos de la próxima edición de Festival de Sitges van ser Bruce Campbell, Paul Schrader, Walter Koening, Barbara Crampton y Dolph Lundgren.

La programación va incluyir The Neon Demon, que va llegar a Sitges tres el discutiniu que llevantó en Cannes, y Dog Eat Dog, dirixida por Paul Schrader, con Nicolas Cage y Willem Dafoe. El cine catalán va tar representáu por películes como Proyectu Lázaro, de Mateo Gil, Pet, de Carles Torrens, y La próxima piel, de Isaki Lacuesta y Isa Campu, ente otres.

  Categories: