Más de mediu millar de fans nel perfil de Pedro Ménendez n’Instagram

Más de mediu millar de fans siguen el perfil de Pedro Ménendez n’Instagram mientres la conmemoración del so V centenariu. Activa dende’l 1 de marzu de 2019, la cuenta @eladelantadodeaviles dio a conocer la hestoria y figura del marín avilesín a lo llargo de 67 publicaciones en formatu billingüe (inglés y español). Les publicaciones rexistraron un promediu de 50 “gústame”.

L’añu de conmemoración del V centenariu de la nacencia de Pedro Menéndez pieslla con 549 fans na cuenta de Instagram @eladelantadodeaviles. Una de les propuestes de la conceyalía de Cultura p’averar la figura del marín y espublizar la so hestoria que tuvo encabezada pola historiadora Raquel Capo Marqués, encargada de nutrir de conteníu’l perfil de la rede social.

El pasáu 1 de marzu vio la lluz la primera de les 67 publicaciones escrites en primer persona que fueron esbillando la vida y fazañes del Adelantráu d’Avilés con un tonu ameno y divulgativo. Los testos, traducíos tamién al inglés, acompañáronse de documentos gráficos de valor históricu, mapes, fotografíes de les actividaes programaes nel marcu de la conmemoración y otres imaxes de llugares de la ciudá nos que ta presente la buelga del marín.

Les publicaciones tuvieron una media de 50 “gústame” y destaca la realizada’l 18 de marzu, con 105. Nella ufiertábase información sobro la ponte de Coruxedo o de les Pilastres, antecedente de l’actual ponte de San Sebastián, y de cómo se foi modificando a lo llargo de los sieglos esta vía de camín que conecta dambos marxes de la ría. Otra de les publicaciones que más interés xeneraron foi la realizada’l 28 de setiembre, que taba dedicada al significáu de ser “Adelantráu”.

El públicu que siguió los distintos episodios de la hestoria de Pedro Manéndez n’Instagram ye mayoritariamente orixinariu d’Avilés, anque la cuenta tamién llogró captar l’atención de persones comenenciudes na figura de Pedro Menéndez procedentes d’otros llugares d’España.

Amás del conteníu publicáu nel apartáu de “noticies” de la cuenta de Instagram, compartiéronse puntualmente “hestories” (publicaciones con una duración de 24 hores) nes que s’informaba a el siguidores y siguidores d’eventos puntuales.