Más de la metá de los becarios mayores de 30 años trabaya de baldre

Más de la metá de los becarios mayores de 30 años trabaya de baldre, según datos del portal d’empléu Infojobs.

L’añu pasáu 221.716 candidatos rexistraronse na so web con perfil de becariu, y el 16,2% d’ellos, unos 36.000, yeren mayores de 30 años con dalgún títulu universitariu y más de seis año d’esperiencia.

Según la encuesta de Infojobs, efectuada ente 776 empreses y 139.709 candidatos de toa España, siquier un 6,3% de los candidatos mayores de 30 años trabayó como becariu en 2014.

El portal d’empléu cita dellos motivos sobre por qué los mayores de 30 años busquen esti tipu d’empléu según la so esperiencia profesional. Los que yá trabayaron antes, unu de cada tres, busquen caltenese activos nel mercáu llaboral y son ronciegos a trabayar ensin remuneración.

Pa los que nunca antes pudieron aportar a un empléu por cuenta de la crisis económica, unu de cada cinco, trabayar de becariu supon una vía pa incorporase al mercáu de trabayu, y solo la metá d’ellos recibe dalguna remuneración.

Más d’un terciu de les empreses españoles (el 35%) declaren contratar becarios según la encuesta, y solo una empresa de cada diez emplega a aquellos que tienen más de 30 años.