Más de cinco mil alumnos apuntáronse a la Selmana Blanca en 2016

Más de cinco mil alumnos apuntáronse a la Selmana Blanca en 2016
26 setiembre 19:12 2017 Imprimir

La Dirección Xeneral de Deportes va celebrar una nueva edición de la Selmana Blanca, qu’atraxo l’añu pasáu a más de 5.000 alumnos y que tien como oxetivu «fomentar la práctica del esquí» ente los escolares asturianos nes estaciones de Valgandre-Payares y Fontes d’Iviernu.

Esta propuesta deportiva, na que participaron 131 centros escolares de la rexón, busca non solo promover el deporte ente l’alumnáu sinón tamién «favorecer» la convivencia nel monte y el contactu directu» de los estudiantes cola naturaleza. A esta nueva edición de la Selmana Blanca, empobinada pola Conseyería d’Educación y Cultura, puen optar tanto alumnos d’Educación Primaria y Secundaria de centros públicos y alcordaos, como los colexos d’educación especial.

El programa, presentáu ayeri pol director xeneral de Deportes, José Ramón Tuero, cuenta col sofitu de los directores de Valgrande-Payares, Javier Martínez, y de Fontes d’Iviernu, Jorge Fernández, quien acoyeron nes sos instalaciones a 1.921 y a 3.115 alumnos respectivamente la pasada campaña iverniza. La edición d’anguaño va desenvolvese del 11 d’avientu al 1 d’abril de 2018.

  Categories: