Más de 80 espositores participen na XXXVII Feria del Quesu y Vinu y XXXVIII Feria de Cerámica

Más de 80 espositores participen na XXXVII Feria del Quesu y Vinu y XXXVIII Feria de Cerámica
17 mayu 09:10 2018 Imprimir

Más de 80 espositores de 8 comunidaes, y un queseru artesanu francés, participen na XXXVII Feria del Quesu y Vinu y XXXVIII Feria de Cerámica que van celebranse los díes 18, 19 y 20 de mayu, de 11 a 23 hores, nel Pabellón d’Esposiciones de La Madalena, n’Avilés.

Podrán tastiase y adquirise más de 20 tipos de quesu gracies a espositores procedentes de 8 rexones y una quesería francesa. Va Haber talleres infantiles y cocina en directu al cargu de la Escuela d’Hostelería de Pravia. La Feria de Cerámica cuenta con 20 espositores y va otorgar el XXX Premio Villa d’Avilés y l’I Premiu al Meyor Stand de Cerámica

La conceyala d’Eventos, Ana Hevia, presentó’l programa d’actos de la XXXVII Feria del Quesu y el Vinu y de la XXXVIII Feria de la Cerámica esta selmana pasada y anunció les actividades que van desenvolvese los díes 18, 19 y 20 de mayu nel Pabellón d’Esposiciones de La Madalena, entamaes pol Conceyu d’Avilés col sofitu de la Conseyería de Desenvolvimientu Rural y Recursos Naturales del Gobiernu del Principáu d’Asturies y la collaboración de Caxa Rural d’Asturies.

La inauguración conxunta de dambes feries va tener llugar esti vienres 18 de mayu, a les 13 hores. En total van participar 80 espositores (41 queseros, 3 panaderíes, 14 bodegues, vinotecas y enoteques, y 20 ceramistes) procedentes de 8 comunidaes autónomes, amás de la quesería artesanal francesa “La ferme de Llanset” de Aydius. Ye una granxa familiar de cabres y productores de quesu de cabra puros con lleche crudo y sabor intenso; empecipiaron la so actividá fai más de 30 años. Producen principalmente quesos de tipu Gruyère.

Mientres los trés díes de celebración de les feries, l’aparcamientu esistente frente a la fachada principal de la feria va ser d’usu llibre y gratuitu pal públicu. Na zona esterior van instalase atracciones infantiles. L’horariu d’apertura al públicu del pabellón va ser de 11 a 23 hores, mientres los trés díes de celebración de les feries.

Van Participar 41 espositores queseros y 3 panaderos. Podrán adquirise y tastiar 20 tipos de quesos artesanales traíos hasta Avilés por queseríes procedentes del País Vascu, Cantabria, Castiella y Llión, Estremadura, Aragón, Galicia, Asturies y Aydius (Francia). Ente’l públicu asistente va sortease diariamente una cesta de quesos asturianos. Y pela so parte, los 14 espositores rellacionaos col mundu del vinu van dexar la compra y degustación de caldos de casi toles denominaciones d’orixe del país, incluyendo l’asturiana D.O. Cangas.

Más información