Portada Educación Más de 500 escolares participen na Selmana del Árbol, entamada poles conceyalíes d’Educación y Parques y Xardinos

Más de 500 escolares participen na Selmana del Árbol, entamada poles conceyalíes d’Educación y Parques y Xardinos

by redacción asturnews

La Conceyalía d’Educación, en collaboración cola Conceyalía de Parques y Xardinos y col patrociniu de Caxa Rural d’Asturies entaóa la Selmana del  Árbol n’Uviéu con un plantíu na área recreativa del Naranco, actividá na que participó la conceyala de Participación y vicealcaldesa, Ana Taboada.

La conceyala aseguró qu’esta iniciativa tien como oxetivu “concencialos de lo importante de la protección del mediu ambiente”, amás de conocer el Monte Naranco, “unu de los pulmones de la ciudá”.

L’actividá repitió tola selmana de 11 a 13.30 hores nel mesmu allugamientu. En total participaron 531 alumnos y alumnes de 13  centros educativos (Narciso Sánchez de Olloniego, Nazaret, Amor de Dios, Fregadures de Cualloto, Latores, Lorenzo Novo Mier, Villafría, San Cloyo, Ventanielles, Auseva, La Corredoria, Xesta II, Jaime Borrás, ) que cursen 5º de Primaria y  que foron los encargaos de llantar Abedurios  na parte Alta del Monte Narancu.

Tamién te podria gustar