Educación Más de 200 emplegaos de la Universidá siguen trabayando superaos los 65 años by redacción asturnews 26 de xunu, 2019 written by redacción asturnews 26 de xunu, 2019 45 Los 74 trabayadores de la Universidá d’Uviéu -personal docente ya investigador (PDI) y personal d’alministración y servicios (PAS)- qu’anguaño se xubilen, y los siete que finaron a lo llargo d’esti cursu, fueron esta selmana pasada oxetu de reconocencia nun solemne actu celebráu nel Paraninfu nel que’l rector, Santiago García Granda, apurrió les correspondientes insinies d’oru -a títulu póstumu y por 35 años de dedicación- y plata -por 25 años de trabayu-. La cifra de distinguíos, 81 en total, da idea, remarcó, del ritmu al qu’en la institución ta produciéndose’l relevu xeneracional. Eso, nuna plantiya na que casi’l 21% del personal cumplió yá los 60 años. Con too, desveló’l rector, hai un 8% de el trabayadores de la institución ( unos 240) que sigue n’activu superada la edá de xubilación tres solicitalo. Y non solo docentes ya investigadores, tamién dalgún miembru de la PAS. A los que sí abandonen la vida activa, García Granda recordo-yos qu’hai múltiples formes de siguir venceyaos a la institución. El programa de mayores de 55 años, PUMUO, ye unu d’ellos. Tamién l’Asociación de Personal Xubiláu de la Universidá, que preside’l exrector Juan López Arranz -presente ayeri nel actu xuntu cola defensora universitaria, Paz Andrés, y el secretariu del Conseyu Social y aspirante al rectoráu Ignacio Villaverde-. Mientres la so intervención, el rector tamién anunció que la Universidá «yá trabaya» na propuesta que-y plantegaron les conseyeríes d’Educación, Sanidá y Servicios y Derechos Sociales de poner en marcha un máster sobro avieyamientu, salú y calidá de vida. «Tratar de contribuyir al avieyamientu activu» nuna rexón na qu’unu de cada cuatro asturianos tien más de 65 años. Mentar tres estimar a los homenaxaos el so «tesón, arrogancia, magnanimidad y nobleza d’ánimu» y antes d’anima-yos a «siguir con optimismu’l camín que vos queda por percorrer». 0 FacebookTwitterPinterestEmail Anterior El Cantábricu Dance Festival celebrase esti domingu siguiente Yá ta equí’l Diccionariu Normativu Multimedia de Llingua de Signos Española Tamién te podria gustar Ventanielles y Guillén Lafuerza van ser una “Fábrica... La UABRA aporta a la segunda selmana d’actividaes L’ALLA abre’l plazu pa los cursos de la... “Misteriu nel Soterrañu” algama’l premiu Alfonso Iglesias de... Tapia acueye la presentación del II Premiu «Quiastolita»... El Principáu y la UOC firmen un conveniu... Asturies destaca en comprensión llectora L’IES Real Institutu Xovellanos entama sos primeres Xornaes... Xornada Evaluación de programes educativos Entamen los talleres ‘Enfoca la to vida’ n’Avilés...