Portada Educación Más de 20 colexos nun tendrán profesor d’asturianu hasta ochobre

Más de 20 colexos nun tendrán profesor d’asturianu hasta ochobre

by asturnet

L’Asociación Cultural N’Ast sumóse al colectivu de profesores de llingua asturiana na so denuncia de “que la situación alministrativa d’anguaño implica qu’un total de 28 colexos de la Comunidá Autónoma nun van cuntar, al menos hasta’l día 3 d’ochobre, con docentes qu’impartan esta asignatura”. L’asociación camienta que “una vegada más la llingua asturiana y la comunidá asturfalante tornen a ser marxinaos, yá que numberosos alumnos que deseyen estudiar l’asignatura d’asturianu nun van poder incorporase con normalidá a ésta nestos entamos del cursu escolar”.

Con esta situación N’Ast denuncia “un drechu fundamental como ye l’estudiu escolar de la llingua materna va ser negáu a munchos neños y neñes d’Asturies”.

Amás, dende N’Ast valoren “qu’apura dignificar globalmente l’asignatura de llingua asturiana con toles consecuencies, dende la situación llaboral de los/es profesores, hasta los conteníos académicos, o la estabilidá y estensión de la so ufierta en tolos centros d’enseñu del País”.

Tamién te podria gustar