Portada Conceyos Más de 1.500 escolares d’Uviéu foron de viaxe musical pola Europa del sieglu XVIII

Más de 1.500 escolares d’Uviéu foron de viaxe musical pola Europa del sieglu XVIII

by asturnet

La Orquesta Uviéu Filarmonía y el director de Forma Antiqva, ufiertaron hasta  esta selmana nel Teatru Filarmónica, cuatro conciertos didácticos p’alumnos y alumnes de Primaria, cola música barroca como protagonista.

La Conceyalía d’Educación, en collaboración con Uviéu Filarmonía, entamó un nuevu ciclu de conciertos didácticos, nel Teatru Filarmónica. Nesta ocasión el director de la formación asturiana Forma Antiqva, Aarón Zapico, púnxose al mandu de la Orquesta Uviéu Filarmonía pa dirixir cuatro conciertos, que se van celebrar hasta mañana, 24 de mayu, para neños y neñes de 4º, 5º y 6º cursu d’Educación Primaria. En total van participar 1.488 escolares de 24 colexos: Amor de Dios, Auseva, Duce Nome de Jesús, Loyola, San Ignacio, Santu Ángel, Dolores Mediu, El Villar de Trubia, Germán Fernández Ramos, Maestru Jaime Borrás, La Milagrosa, Pablo Miaja, San Llázaro, San Pedro, Xesta 1 y 2, Nazaret, Santa María del Naranco, Santa Teresa, Carmen Ruiz Tilve, La Corredoria, Fozaneldi, Lorenzo Novo Mier, Pablo Iglesias y Veneranda Pumar.

El programa tituláu “Un viaxe musical pola Europa del sieglu XVIII” ufiertaba una panorámica de la música n’Europa mientres el sieglu XVIII, con llinguaxe aptu pa escolares de Primaria. Un viaxe al traviés de formes, estilos y nacionalidaes que retrata los distintos matices d’unu de los periodos más profusos ya importantes de la hestoria de la música occidental: el Barrocu. Los conteníos son: – Contestu históricu y estéticu. España y l’Europa francesada (y italianizada- La esplosión musical: – Distintes formes d’espresión: el conciertu, la suite, danciar – Xerarquía de los preseos: el Baxu Continuu- L’ornamientu – La nacencia de la orquesta: disposición, funcionamientu y organización – El compositor: ceador, intérprete y virtuosu y la música como’l cine: música descriptiva.

Los oxetivos qu’escuerre esti programa musical pasa pola localización de la dómina barroca y les sos característiques más importantes; la identificación de los preseos principales y la so función na orquesta y les conocencies de les principales formes musicales que nacen y desenvuélvense nel Barrocu.

Asina, con distintos exemplos musicales de compositores como Lully, Bach, Vivaldi, José de Nebra y Telemann, siguiendo les indicaciones de Aarón Zapico y d’Uviéu Filarmonía, los 1.500 escolares que pasen pol Filarmónica averense a la dómina barroca y les distintes formes musicales qu’apaecieron nesi momentu, como’l conciertu, la suite…va esplicáse-yos lo que ye un baxu continuu de la mano de Pablo Zapico, que tocó’l archilaúd y la guitarra barroca y amestando conceutos como la música descriptiva, la nacencia de la orquesta como la conoz güei día, el papel del compositor, etc.

El proyectu pedagóxicu d’Uviéu Filarmonía estiéndese a lo llargo del cursu académicu y anguaño realizáronse 16 conciertos, llegando a un total de casi 7.000 escolares.

Tamién te podria gustar