Portada Cine Marvel publica’l segundu tráiler de ‘Ant-Man y l’Aviespa: Quantumania’

Marvel publica’l segundu tráiler de ‘Ant-Man y l’Aviespa: Quantumania’

by redacción asturnews

La Comic-Con Experience 2022 de São Paulo sirvió pa ver el segundu adelantu de lo que va ser Ant-Man y l’Aviespa: Quantumania y faer una repasada al legáu d’esti Vengador, que suel pasar desapercibíu pal públicu.

La nueva película, que cierra la triloxía, va suponer el debú del próximu gran villanu del UCM: Kang el Conquistador. Amás, pon en marcha la Fase 5. Ant-Man y l’Aviespa: Quantumania va estrenase’l próximu 17 de febreru de 2023. Esta ye la sinopsis oficial:

“Scott Lang ta esfrutando de la so vida como Vengador agora que nun hai tantos problemes, ye famosu y tol mundu estíma-y el so trabayu. Nun tien nada que-y ofienda, pero esto va camudar llueu. Ant-man y Hope Van Dyne, alíes Aviespa, van tener qu’enfrentase a nuevos problemes cuando dambos acaben nel Reinu Cuánticu al pie de los padres de Hope por cuenta de un esperimentu fallíu. Ellí van afayar interesantes criatures nunca suañaes y van vivir aventures alloñaos del respaldu de los Vengadores”.

Tamién te podria gustar