Mark Wahlberg ye l’actor menos rentable de Hollywood en 2017

Mark Wahlberg ye l’actor menos rentable de Hollywood en 2017
19 avientu 11:50 2017 Imprimir

L’actor Mark Wahlberg s’acaba de coronar como l’actor menos rentable de 2017 sorprendentemente, pos l’intérprete de 46 años foi nomáu’l pasáu mes d’agostu como’l meyor pagáu, gracies a los 68 millones de dólares que ganara nos últimos meses polos sos papeles nes películes Transformers: el postreru caballeru o Deepwater Horizon.

Esta paradoxa esplicase col pocu ésitu de dambos filmes na taquilles. Según la revista, per cada dólar que pagaron a Wahlberg recaldaron en taquilla solo 4,40 dólares. Ye más, Día de patriotes , el filme inspiráu nel atentáu de 2013 nel maratón de Boston, recaldó menos na taquilla mundial que los 68 millones de dólares que s’embolsó l’actor nun añu.

Lo que sospriende ye que la llista de los actores menos rentables de Hollywood tea puramente protagonizada por homes. Los sos ésitos pasaos garantícen-yos sueldos millonarios, a pesar de que los sos recién proyectos nun tuvieren l’acoyida esperada. Pero, ¿por qué nun hai nin rastru de los nomes femeninos? Porque los sueldos de les muyeres siguen siendo más baxos, polo qu’escasamente consiguen entrar nesti ranking.

A Wahlberg sígenlu Bale, Channing Tatum (les sos películes recaldaron en taquilla 7,60 dólares per cada dólar qu’él ganó), Denzel Washington (tres el pocu ésitu internacional de Fences) y Brad Pitt (11,50 dólares en taquilla per cada dólar que-y pagaron nes sos últimes trés películes). Quién sí va tar contentu anguaño ye Johnny Depp, que nin siquier apaez nel ranking dempués de que los dos últimos años lu liderara.

  Categories: