Mariví Monteserín inaugura’l XVII Foru Solidariu d’Avilés

Mariví Monteserín inaugura’l XVII Foru Solidariu d’Avilés
10 11:21 2020 Imprimir

L’alcaldesa d’Avilés, Mariví Monteserín, inauguró ayeri a les 18 hores, el XVII Foru Solidariu d’Avilés, nun actu que tuvo llugar nel Salón de Recepciones del Conceyu d’Avilés. Al pie de ella, anque de forma telemática, van atopase la directora de l’Axencia Asturiana de Cooperación al Desenvolvimientu, Beatriz Coto, y la presidenta de la Federación Asturiana de Conceyos, Cecilia Pérez.

Darréu, a les 18.15 hores, y yá de manera dafechu telemática, va empezar la primera de les conferencies programaes nes cuatro xornaes nes que s’estrema’l Foru. Va Ser impartida pola directora del departamentu de Salú Pública y Medio Ambiente de la OMS, María Neira González, y el conseyeru de Sanidá del Gobiernu d’Asturies, Pablo Fernández Muñiz. Va Exercer como moderadora la coordinadora de Cruz Roja n’Avilés, Mayte Díaz Campumanes.

Tolos actos, que sacante la intervención de l’alcaldesa van tener llugar de forma telemática, podrán siguise en directu al traviés del perfil del Conceyu d’Avilés en YouTube (https://www.youtube.com/user/AyuntamientoAviles), al que tamién s’enllazará dende www.aviles.es

El Foru ta entamáu pol Serviciu de Participación Ciudadana, Cooperación y Solidaridá del Conceyu d’Avilés y el Conseyu Municipal de Cooperación y Solidaridá. Collaboren na so realización l’Axencia Asturiana de Cooperación al Desenvolvimientu, la Federación Asturiana de Conceyos, la Coordinadora de ONGs del Principáu d’Asturies y el Centru de Profesoráu y Recurso Avilés-Occidente (CPR).

Ver programa

  Categories: