Portada Sociedá Marisa Ponga axunta con una representante de UNRWA, organismu de Naciones Xuníes pa l’atención a la población abelugada

Marisa Ponga axunta con una representante de UNRWA, organismu de Naciones Xuníes pa l’atención a la población abelugada

by redacción asturnews

La conceyala d’Atención les Persones ya Igualdá, Marisa Ponga, axuntóse esta selmana con una representante de UNRWA, organismu de Naciones Xuníes pa l’atención a la población abellugada y siguir trabayando en beneficiu de los países en víes de desenvolvimientu.

El motivu de la xunta yera informar  de los proyectos que ta desenvolviendo la organización y conocer si la Conceyalía de Cooperación al Desenvolvimientu va siguir trabayando na llínea del añu pasáu, sofitando proyectos d’atención a la población abelugada. L’añu pasáu, el Conceyu d’Uviéu aprobó la concesión d’una subvención al Comité Nacional de UNRWA, por importe de 12.000 euros, en conceutu d’Ayuda Humanitaria, pal sofitu a los refuxaos movíos pol conflictu en Siria por aciu la provisión d’agospiamientu y cestes d’alimentos básicos.

La edil tresmitió-y la intención de siguir trabayando en beneficiu de los países en víes de desenvolvimientu, de siguir sofitando proyectos p’ameyorar la situación que viven les persones abelugada, lo mesmo que de la realización d’acciones de sensibilización y sofitu a les defensa de los derechos humanos. La conceyala tamién adelantró la so intención de poner en marcha, cuanto antes, el Conseyu Municipal de Cooperación al Desenvolvimientu pa dar una mayor pluralidá a la política municipal na materia incorporando al Conseyu, amás d’a los representantes de los Grupos Municipales, a les Organizaciones de Desenvolvimientu qu’esisten n’Uviéu.

Tamién te podria gustar