Portada Comunicación María Peña presenta una de les nueves miraes de la plástica asturiana en Lorient

María Peña presenta una de les nueves miraes de la plástica asturiana en Lorient

by redacción asturnews

Una invitación a l’acción social, a l’activación, a la comuña col mediu ñatural, cola ñatura que mos arrodia y que anguaño escaecemos, como si nun formara parte de la nuesa identidá. esa ye la propuesta qu’esti añu trai a Lorient la delegación Asturiana y que se pue ver nel Hòtel Grabiel de la ciudá.

La pintora y creadora María Peña ufre una propuesta na que s’entemecen propuestes tradicionales, a vegaes figuratives, a vegaes con dalgún matiz d’abstracción, pero siempres bañaes pol compromisu col desenvolvimientu de los países más necesitaos y la emigración a la que mos avoca esta globalizazión perenne. Una sala completa amuesa en Lorient la so obra plástica xuntu con una instalación audiovisual que llama a la participación del públicu y pequeñes escultures que llamen a la polivalencia ornamentativa del arte urbanu más sinceru.

Escultura con materiales reciclaos que fai xurdir urbanismu de la nada, como asocede na realidá de tantos países del subcontinente sufamericanu, animales que mos unvíen propuestes d’acción, remembraces de que la igualdá ye una ilusión, de que’l feminismu sigue siendo necesariu…  Munches propuestes que s’entemecen como les manifestaciones culturales na vida cotidiana. Y que María Peña persabe acotales nel mundu plásticu ya investigador d’un arte que s’abre pasu pente lo cotidiano, pero siempres acompañáu d’un matiz estéticu tan necesariu como evidente.

María Peña nel Celtic Art. Lorient 2017María Peña nel Celtic Art. Lorient 2017María Peña nel Celtic Art. Lorient 2017María Peña nel Celtic Art. Lorient 2017María Peña nel Celtic Art. Lorient 2017María Peña nel Celtic Art. Lorient 2017María Peña nel Celtic Art. Lorient 2017María Peña nel Celtic Art. Lorient 2017María Peña nel Celtic Art. Lorient 2017María Peña nel Celtic Art. Lorient 2017María Peña nel Celtic Art. Lorient 2017María Peña nel Celtic Art. Lorient 2017María Peña nel Celtic Art. Lorient 2017María Peña nel Celtic Art. Lorient 2017María Peña nel Celtic Art. Lorient 2017María Peña nel Celtic Art. Lorient 2017María Peña nel Celtic Art. Lorient 2017María Peña nel Celtic Art. Lorient 2017María Peña nel Celtic Art. Lorient 2017María Peña nel Celtic Art. Lorient 2017

La ceadora uvieina María Peña Coto (Uviéu, 1989) llogró’l Premiu Asturies Nuevu d’Artes Plástiques, que convoca tolos años la Conseyería de Presidencia y Participación Ciudadana, nel añu pasáu y fízolo “pol so esfuerzu para llabrase una trayectoria profesional, la coherencia de les sos llínees de trabayu y la so capacidá para arreyase nes distintes redolaes nos que desenvolvió los sos proyectos”. Llicenciada en Belles Artes pola Complutense de Madrid, protagonizó delles esposiciones individuales en Nueva York, Lisboa o Madrid y, yá n’Asturies, n’Uviéu y Avilés,lo que da bona cuenta de la so esmolición globalizdora.  Col finar del 2016 amosó pintures y escultures en La Stanza, un nuevu espaciu d’arte de Xixón que-y perimitó esparder la so propuesta y averase per exemplu a esti espaciu artísticu del Festival de Lorient que ye l’Euro Celtic Art de la Galerie Hôtel Gabriel.

Na so esploración artística, María Peña ocupó l’atención mediática hai poco pol so apueste pa col formatu de les performance, con una grabada en vídeu durante una estancia artística nun Muséu en China, onde cubrióse los güeyos con pañuelos con mensaxes alusivos a les barreres sociales, dalgunos con temes de xéneru, con música en directu y pasióse trés hores con tacones a palpu pola Gran Muralla China.

Tamién te podria gustar