Lliteratura Maria Luisa Prada Sarasúa presentó “La insólita hestoria de Damián Casares” nel MHUA by redacción asturnews 19 d'avientu, 2019 written by redacción asturnews 19 d'avientu, 2019 80 Esti miércoles pasáu, el Muséu de la Hestoria Urbana d’Avilés acoyía la presentación de la novela La insólita hestoria de Damián Casares, de la escritora mierense residente en Xixón, María Luisa Prada Sarasúa. L’autora tuvo acompañada por María Socorro Suárez Lafuente, catedrática de Filoloxía Inglesa de la Universidá d’Uviéu. En La insólita hestoria de Damián Casares, Prada Sarasúa averase por primer vegada al pasáu d’Avilés, concretamente a un momentu tan relevante como foi la construcción de Ensidesa. Apurre la visión de los entós acabante llegar a la villa, moteyaos “los coreanos”, y de les penuries de toa una dómina. Quien llegaron entós daquella a la villa veníen de trepar con importantes dificultaes nel mundu rural de la España fonda del que partíen, nel casu del protagonista de la hestoria de Les Hurdes (Estremadura), y atopáronse colos defectos d’una urbe qu’en diez años triplicó la so población. El llibru, anque se clasifica dientro del xéneru de ficción, apurre un relevante conteníu histórico del pasáu más recién de la vida avilesina. Con una carrera lliteraria empecipiada nel añu 2004 con Vivir al sol, María Luisa Prada Sarasúa ye autora de más diez noveles, dalguna d’elles con delles ediciones. Participó en numberosos xuraos lliterarios ya impartíu charres y conferencies sobro distintos aspeutos de la so obra. 0 FacebookTwitterPinterestEmail Anterior Presentose la edición de l’ALLA de la Riegla de San Benitu siguiente La fin de la triloxía de Disney amuesa lo meyor y lo peor de ‘Star Wars’ Tamién te podria gustar Payares acueye les XLI Xornaes Internacionales d’Estudiu de... La llangreana Beatriz Quintana gana’l premiu de narrativa... “Misteriu nel Soterrañu” algama’l premiu Alfonso Iglesias de... Tapia acueye la presentación del II Premiu «Quiastolita»... Falláu’l Concursu de Microrrelatos “Día del Llibru” d’Avilés Xixón yá tien los meyores cuentos d’escolares con... Alcuentru con Oliva García en XIxón Llectura siguida del Quixote en Xixón Preséntase’l llibru “Estampes d’Asturies” de Manuel Maurín Álvarez Sonia Uría gana’l concursu lliterariu ‘Ensin muyeres, nun...