María López empata col asturianu Fernándo Vázquez y gana pola edá’l 34 Troféu MacCrimmon de Gaita en Lorient

03 agostu 18:20 2019 Imprimir

Hebo sorpresa nel MacCrimmond de 2019. María López Carballo, una alumna de Rodrigo Joglar, l’hermanu de la primera ganadora d’esti troféu, l’Asturiana Andrea Joglar, foi a lo postrero la vencedora na edición dedicada a Galicia. Empató col asturianu Fernando Vázquez Cárcaba, pero el desempate por edá, al ser más moza la gallega, dió el trunfu al país vecín.

Tres de María y Fernnado quedó clasificáu nel tercer llugar Xesús Rodríguez Callejón y la cuarta posición ex-aequo foi pal gallegu Manuel Seoane y l’asturianu Daniel Meré, quedando sestu y sétimu los asturianos Francisco Fernández y

Nel concursu de solistes de Gaita de Lorient, qu’enantia llevare’l nome de MacCallan, pol so patrociniu, preséntense per Asturies los primeros clasificaos del memorial Remis Ovalle celebráu n’Uviéu y qu’esti añu foron Fernando Vázquez, Cárcaba, Daniel Meré, Fabián Fernández y Francisco Fernández.

El gallegu Xesús Rodríguez Callejón, foi’l primer concursante en xubise enrriba del escenariu p’amosar el trabayu que vien desendolcando dende que nel 1989 entamare a deprender l’instrumentu al tiempo que la flauta y la percusión tradicional gallega. Ganador del primer premu solista del séptimu concursu de música tradcional gallega en Cataluña, anguaño ye profesor de gaita y percusión na escuela de música “casa do Rock” en Santiago de Compostela y músicu y compositor en grupu de folk-rock Cabo Norte. La so actuación en forma afechada y trabayada tuvo la dificultá que supón siempres abrir un concursu, faciendo una interpretación brillante na parte gallega, con delles.

L’asturiau Fernando Vázquez Cárcaba, unu de los más veteranos del concursu foi’l siguiente concursante, col aplomu esperable de quien ya compitió en delles ocasiones al meyor nivel y que l’añu pasáu algamó’l tercer llugar firmando un conciertu enforma destacable. El de Llieres fizo una interpretación perfeuta na parte asturiana y amosó un gran nivel tanto nes pieces bretones como nes gallegues, emplegando en tol interpretación laso gaita asturiana y dexando bien a les clares onde s’alcontraba yá dende esi momentu’l llistón pa llñograr el Troféu. Fernando ye ún de los gaiteros mozos con meyor proyeición n’Asturies depuñés d’algamar cásique una decena de primeros premios nos concursos asturianos más recién.

Manuel Seoane diba ser el segundu gallegu en participar y estrenase en Lorient, después d’estudiar gaita colos maestros Suso Ascáriz,Pedro Lamas y Daniel Bellón. Y al contrariu que los dos concursantes anteriores escoyó entamar la so interpretación coles pieces bretones.

El segundu de los asturianos diba ser Daniel Meré, otru exemplu dela mocedá gaitero que bien puxando d’unos años a esta parte pa colocase al altor de les grandes figures de siempres. El gaiteru de Bañugues fizo como Fernando Vázquez y desenvolvió toles pieces del concursu cola mesma gaita, faiendo una bona execución y finando col repertoriu asturiano col enfotu de dexar el meyor sabor de boca nel públicu con una interpretación na que los floreaos tuvieron nel entamu de protagonistas.

La primera de les muyeres participantes nun aportó al escenario hasta l’ecuador del concursu. Nadia Vázquez-Martínez foi la primera de les dos gaiteres gallegues nel concursu d’esti añu garrando’l testigu de les escases presencies femenines na competición que namái tuvo una ganadora, l’asturiana Andrea Joglar. La gallega d’Aguarda de 1996 pertenez a la nueva xeneración de gaiteres que ta xurdiendo en Galici y dexó bien afitada la so propuesta solista qu’anguaño bien desenvolviendo mientres qu’atiende tamién al proyeutu Nadia Vázque Trio, xunta Fernado Estévez y Martiño Mulleiro.

Ente l’actuación de les dos gaiteres asturianes tocó-y xubir al escenario al villaviciosín Francisco Fernández Álvarez que dende hai una década ye’l gaiteru del grupu folklóricu Aires d’Asturies de la Villa. Y na so primer participación en Lorient nun pudo salir más satisfechu. Con un repertorio bien preparáu y una escoyeta bien afayadiza de les pieces bretones dexó la intepretación del repertorio asturianu pal final, lo qu’ensin dubies foi un aciertu, peles pieces escoyíes y l’aceptación del públicu que se fizo patente y bultable.

Tres d’elli aportó l’alumna de Rodrigo Joglar, la coruñesa María López Carballo que presentó un repertorio gallegu averáu a la tendencia en boga de la tierra vecina, una bona interpretación bretona y amosó amás que’l maxisteriu de Joglar sirvió pa executar con ciñu unes pieces asturianes que siempre se-yos ponen cuesta arriba a los gaiteros vecinos.

Pa Finar, otru de los veteranos, el asturianu Fabián Fernández, dexó nidia la so experiencia nel concursu, con una escoyeta afayadiza de pieces. El codireutor de la banda de Gaites fonte Fuécara y llicenciau n’Historia y Ciecies de la Música amosó na so interpretació la versatilidá que-y da la interpretación tradicional al llau de les sos participaciones nel grupu de Luis Núñez y los Folgazanes y la Big Band de Llanera.

Loading Facebook Comments ...