Maratones de fútbol, baille y flag-football son les novedaes del programa d’ociu xuvenil d’Uviéu

by redacción asturnews | febrero 27, 2017 9:57 am

La conceyalía de Mocedá d’Uviéu va destina 196.645 euros al desenvolvimientu de ‘Dolce17′ y ‘La Nueche ye to’ en 2017, después de que más de 10.000 adolescentes y moces del conceyu participaran nestes actividaes el pasáu añu, un 7% más qu’en 2015.

La nueva temporada de los programes d’ociu alternativu ‘Dolce17′ y ‘La Nueche ye To’  entamó esta selmana y va desenvolvese hasta’l 23 d’abril. El pasáu añu participaron nestos programes 10.165 mozos y adolescentes, un 7% más que nel añso anterior. D’estos, 4.430 fueron mozos y 5.730 moces.

Per otra parte y en coordinación col Plan Municipal sobre Drogues, impartiéronse sesiones d’ociu y tiempu llibre de los programes escolares de prevención y diseñóse una sesión específica pa trabayar nuna aula de 3º  y 4º de la ESO. En total, allegose a 7 institutos, 7 colexos publicos, un colexu alcordáu y a la escuela taller del Conceyu, atendiendo a 1.404 mozos y 91 families.

Al respective de la programación pa esti primer semestre de 2017, van desenvolvese 114 actividaes gratuites en collaboración con 44 asociaciones y entidaes. Toes elles ensin inscripción previa, salvu nel casu de los menores, que precisen una autorización de padres o tutores. Amás de les actividaes que se van desenvolver demientres 8 fines de selmana, programándose otres actividaes puntuales por cuenta de la celebración del Día Internacional de la Muyer, el 8 de marzu.

Amás, y como principal novedá, van celebrase maratones de Maratones de fútbol, baille y flag-football y talleres de continuidá (delles sesiones en distintos díes) de cocina y escritura y que precisen inscripción previa. Coles mesmes, diseñáronse actividaes coincidiendo coles vacaciones escolares de Selmana Santa, que van tener llugar demientres la selmana.

Pa conocer tola programación, feches y horarios pincha equí[1].

Endnotes:
  1. equí: http://www.oviedo.es/ociojuvenil

Source URL: http://asturnews.com/maratones-de-futbol-baille-y-flag-football-y-talleres-con-continuida-novedaes-del-programa-dociu-xuvenil-del-conceyu-duvieu/