Portada Lliteratura Manuel García Rubio llega güei al Áula de les Metáfores

Manuel García Rubio llega güei al Áula de les Metáfores

by asturnet

Güei, xueves 10 de xunu, a les 19 hores, l’Aula de les Metáfores, asitiada na Casa Cultura de Grau, Manuel García Rubio va allegar falar colos llectores moscones de la so novela “Sal”, asoleyada por Lengua de trapo y finalista del Premiu de la Fundación Lara a la meyor novela del añu 2008.

Esta actividá ta abierta al públicu xeneral, anque s’enmarca nos Clús de Llectura qu’entama la Biblioteca Municipal de Grau. Precisamente esta va ser la última sesión del Club enantes del parón braniegu, qu’entamen otra vegada n’ochobre.

Manuel García Rubio (Montevideo, 1956) vive n’Asturies dende los diez años. Practicó con ésitu l’ensayu, y dalgunos de los sos rellatos curtios figuren n’antoloxíes españoles y Hispanoamericanes. Con too, ye nel campu de la novela nel que, pasu a pasu, foi faciéndose con ún de los buecos más interesantes y orixinales de la narrativa contemporanea nel estáu español.

Tamién te podria gustar